2006年 > 目錄
樂壇記事寶：鑽牛角尖寫死亡傳奇
完結篇：張國榮（下）
陳少寶曾任新藝寶和環球高層，兩度和張國榮共事，以下是他對哥哥的看法。
關於Leslie嘅性取向，因為我都係西人——受西方教育嘅人，佢撞到我咁嘅老細，所以佢冇對我隱瞞。佢有同我認過，我話你自己諗啦，我亦尊重佢嘅選擇。（同性戀）喺外國歌壇根本仲多過正常人。Leslie曾經諗過公開佢嘅性取向，我同佢講，如果你真係要將呢樣嘢當大事嚟講，做大膽嘢，呢件事你要做，我唔會反對，有位支持你嘅話，我會支持，但身邊好多人叫佢再三考慮。
 |
 |
|
哥哥在《霸王別姬》中飾演程蝶衣， 與師兄段小樓（張豐毅飾演）發展 一段曖昧不清的關係。 |
00年，唐唐（圖中）在「張國榮熱情 演唱會」上手持螢光棒為哥哥打氣。 |
擁巨星風采
|
其實o衣家（性取向）有乜所謂，喺台上面，最緊要有風采，一個spot light射落嚟，叫人眼前一亮。我好大膽得罪所有人咁講句，呢行喺台上會發亮嘅，只得張國榮同梅艷芳，我見過晒章子怡、張曼玉、劉嘉玲，但冇人似Leslie同阿梅咁行過就會發亮。
哥哥跳樓事件，個個都話好戲劇化，但我又唔係好驚訝，佢成日想做啲驚天動地嘅事，之前都成日話三十歲要退出。佢90（應為89）年退出時，同我講話唔玩，我話頂你呀，唔玩，你同公司仲有碟未出，佢話好嚟好去啦：「我o衣家退出，我呢隻碟，實爆喎！」嗰次退休，佢錄咗隻碟(89年《 Salute》)，全部唱人哋嘅歌，收錄咗《雪中情》、《滴汗》，當年冇人會唱口水歌，最早期唱口水歌嘅巨星係佢，佢堅持係都要做呢隻碟，呢方面佢仲執著過王菲，我話唔得，口水歌我交唔到數，所以佢又唱咗隻告別歌《風再起時》(收錄在89《 Final Encounter》)，咁公司就無端端多咗隻碟。佢就係咁奇怪嘅人，話咗要做就要做。 |
 |
勁讚占士甸
張國榮係一個追求完美嘅人，佢患病之後，覺得好多嘢唔可以隨心所欲。其實佢嘅病唔嚴重，只係思緒、情緒問題，諗太多嘢，所以胃酸倒流唔會好，搞到把聲沙晒，佢又因為咁而瞓唔到，出面啲人話佢撞鬼，我就唔相信佢係撞鬼。
喺我嚟講，我覺得Leslie就係會做啲咁嘅事嘅人，我唔係知佢會跳樓，而係知佢鍾意做啲人哋認為匪夷所思嘅嘢，佢平時都成日同我講，話「外國巨星占士甸（James Dean）、瑪莉蓮夢露（Marilyn Monroe），呢啲真係好嘢，佢哋呢啲先係legend」，佢成日講，所以對我嚟講，I'm not surprise！佢揀四月一號，我覺得只係咁蹺，未必係專登揀愚人節。
