2000年 > 目錄
張國榮邀 Jean Paul Gaultier為個唱造衫
「哥哥」張國榮的十場個唱將於八月在紅館開鑼，哥哥親自請來法國同志設計師 Jean Paul Gaultier為他親身設計至少五套歌衫，哥哥可謂認真大面。哥哥昨日出席在金鐘舉行的個唱記者會，記者會準時於下午三時半開始，主辦人陳淑芬表示特別擇時辰開始。
張國榮將於八月一日至十日，在紅館舉行十場《張國榮熱．情演唱會》，今次哥哥（張國榮）更親自邀請法國頂級時裝設計師 Jean Paul Gaultier，為其個唱設計靚衫。而Jean Paul Gaultier曾公開坦承自己是同性戀者，是時裝界著名的同志設計師。
據知不少外國及日本藝人都曾邀請 Jean Paul Gaultier設計服裝，如麥當娜亦曾找他幫手。而哥哥則是唯一的一位亞洲區歌星，獲Gaultier答允親自設計服裝。
於法國見過面
 |
Jean Paul Gaultier特別為哥哥設計歌衫，哥哥一臉興奮地說：「對方睇過我嘅戲，鍾意我嘅電影，我已經同佢喺法國見過面，今次佢最少會幫我設計五套衫，我好榮幸，至於佢嘅酬勞就唔好問，不過佢可能會嚟睇我最後一場個唱。」 |
歌衫設計會否大膽性感呢？哥哥笑說：「設計我睇過，性唔性感？我唔會標榜呢樣，你唔見我演唱會個名有一點，所以我只會露一點，總之一切由佢負責，我好放心。」
此外，哥哥演唱會獲tom.com贊助，歌迷可於下月二日在tom.com網頁內預先訂購門票，主辦人之一陳太表示：「有好多人想贊助哥哥演唱會，tom.com雖然唔係條件最好，但名牌對名牌，大家配合。」
|
Jean Paul Gaultier個人小史
Gaultier早年替Jacques Esterel工作，在此之前於Pierre Cardin擔任助手。跟Gaultier先後替Jean Patou, Michel Chel Goma及Angelo Tarlazzi工作，再返回Pierre Cardin。其後輾轉之下成立以自己名字掛帥的公司，推出Sweatshirt系列。於1990年，Gaultier替麥當娜世界巡迴演唱會設計舞台服裝，自此深受眾外國明星歡迎。
|
