Leslie Cheung Cyberworld

《霸王別姬》在大陸唔禁又禁

《霸王別姬》不可以在北京上映，七月廿八號只映了一場，不但是第一場，亦是最後的一場，陳凱歌的作品被禁，自然是萬般的無奈，這又有什麼辦法。

到目前為止，沒有人知道，禁映的命令來自那一方面，反正北影就接到電話指示，而上海亦只能演到八月四日，因為預售票已賣到那一天而已。

北京因為接近中央高層，說不可以上映就不可以了，別無良策對付。

汪汪不禁想，徐楓真好野，拍一部《霸王別姬》，拍到海峽兩岸都唔俾上映，都算史無前例。

而台灣就問題簡單啲，只係唔符合二分一的演員分配法，但大陸就問題大啲，因為無形中牽涉到政治，咁就好大件事，唔係咁容易解決。

今次《霸王別姬》唔可以上映，徐楓損失大唔大？

「暫時都未知有乜損失」佢話：「因為未上唔知票房點嘅，不過而家啲新聞炒得咁哄動，就唔同咗架嘞。」

而在北京的見面會中，中外記者二百多名到達，傳媒都好重視此事，而台灣華視嘅晚間新聞，仲播咗成五分鐘出嚟添噃，搞到好大件事。

而家北京中央方面，一陣又話可以映，一陣又話唔可以映，坦白講，咁對佢地嘅形象非常唔好噃，已俾人感覺仲係「一言堂」，無晒民主，同佢地改革開放背道而馳，想人地唔驚都難，萬一「馬照跑、舞照跳」，講完又唔算，香港點算。

徐楓就比較樂觀咁話：「我諗以後會放映啩，我地睇北京首映嗰晚，二千七百張票，賣出四千張，有成千人無位，睇到拍爛晒手掌添。佢地仲研究，究竟邊場出現咗問題呢，睇吓呢段又唔似，果段又唔似，到而家大家都係估估吓，係唔係文革段戲出問題。」

汪汪個人推測，中央都話明「不宣傳不報道」，而張國榮一去上海、北京，引起中外傳媒大肆採訪，咁咪擺明陽奉陰違，不如收番准映証，話映又唔俾映原因在此。