Leslie Cheung Cyberworld

《大三元》澳門外景拍攝現場報導

1995-12-19

又係張國榮一年一度拍賀歲片的時候，不過唔知什麼原因，只見LESLIE整日開工也是口黑面黑，仲唔只咁，無論是靚靚又或是江欣燕，都無乜同佢傾偈。

一級黑面「八筒」：神父張國榮

「大家今日唔好同我玩，啲對白好難唸。」張國榮於早上7時到達拍攝現場，已跟在場演員講清楚。

大家眼見哥哥如此講，其他如靚靚、江欣燕、洪欣、陳錦鴻都唔敢郁，再加上徐克這位綽號「老爺」的導演壓場，大家真係連聲都唔敢出。好處就係令到這部現場收音的影片，拍攝時分外順利。

「一早榮」變「遲早榮」

張國榮有綽號「一早榮」，意思係佢素來習慣早睡早起，要他夜瞓簡直可以講係攞佢命。不過由於拍攝工作太緊迫，為了遷就澳門的場景，每日他要為《大三元》拍16個小時戲，加上梳洗及打點一切，每日只能夠睡5、6個鐘。結果，由「一早榮」變「遲早榮」，每晚12時過後才入睡，6時起床，遲睡早起，令他心情大打折扣。

對白繑口又頻

張國榮在戲中演神父，主持婚禮的對白全是依據現實中的神父工作，不能出錯。只見他每拍完一場戲，不是閉目養神，便是拿著劇本唸唸有詞，非常勤力。戲中的一位新娘是應屆澳門小姐的最上鏡小姐（紅箭咀），呢位新人幾經徐克努力教導，一樣要NG，害得LESLIE只好默默接受，又要NG。

雖然LESLIE沒有黑口黑面對這位新人，但面色已非常難看。張國榮更是捱至病倒仍堅持開工：「下不為例，今次係就佢個景才長時間工作，我唔想每日掛住兩個眼袋見人。」總之這四日澳門行，LESLIE也是口黑面黑，樣靚心情唔靚。