1998
常盤貴子與哥哥合作死而無憾
1998-07-23
常盤貴子在訪問前嘅記者會上，用非常流利兼準確嘅廣東話同大家打招呼，令在場嘅記者朋友個個拍爛手掌。一聽到記者大讚她的廣東話頂呱呱時，常盤便笑逐顏開說：「全靠廣東話老師日日督住我，一講錯就要練會話，唔講番啱就會唔睬我添。」雖然我個角色係日本人，但呢套始終都係香港片，多多少少都會用到廣東話嘅。
 |
讚哥哥有紳士風度
除了她的廣東話外，最今記者留下深刻印象的，便是經常掛在她口邊的哥哥張國榮。「Leslie San」真係好好人，我好尊敬佢。佢不但靚仔，對人仲好親切添。在餐廳食飯會幫我夾餸，又送Laser Disc俾我，好有紳士風度。邊講邊泛著甜甜笑容的常盤還說：「無論係演戲，定係其他方面，佢都教咗我好多嘢。佢在我心目中係世界上最好嘅演員，有機會同佢合作，我真係好好彩，可以話真係死都抵。」 |
常盤貴子是公認的性感靚女，佢覺得張國榮性感嗎？
「他是公認的性感，既靚仔，皮膚又好，他既是成年人，但有時又會流露出童真的一面，這種feel是他最性感的地方。」
大膽鏡頭視乎劇情
未拍已經咁有Feel，常盤同哥哥的愛情對手戲，一定好有睇頭。唔知會唔會有大膽鏡頭？佢又緊唔緊張呢？「劇本每日都改緊，暫時未知有無。如果劇情有需要，我都會考慮。依家最緊張嘅，反而係動作場面，第一次拍，唔知應唔應付得來。」
最後問常盤，會否考慮同其他香港演員合作，常盤話：「我都係揀Leslie San！」哥哥，你係得嘅！
|
Leslie好像哥哥般，對每件事都很細心照顧周到，雖然我知道這世界沒有人是完美的，但他已近乎完美了。無論是待人處事或他對人生的看法，都是與別不同的，很特別的，我希望可以做到像他這種性格的女性，而他這類型的男性也是我憧憬的理想對象！
在拍攝《星月童話》期間，哥哥知道我經常腸胃不適，於是著人煲了中藥給我調理身體，當我在工作和感情上有煩惱時，他更耐心聆聽，並給予我不少意見，他是心中一個很重要的人。
|
香港雜誌
LeslieCheungCyberworld © 2025 , All Rights Reserved