2001
與唐唐甜蜜拖手忘形煲煙 張國榮死撐 保禁煙招牌
2001-10-06
張國榮近年衝破感情防線，漸漸公開與唐唐（唐鶴德）的關係。上月底兩人蒲吧時，手持香煙的哥哥與唐唐更公然拖手。哥哥昨天否認吸煙一事，誓保禁煙招牌。
張國榮（哥哥）、周嘉玲、林嘉欣、爾冬陞和張之亮，昨日出席在尖沙嘴舉行的新片《幽靈日記》開鏡拜神儀式。
|
張國榮扮狗仔隊閃縮偷影動作，神情趣怪。 |
哥哥昨日心情靚絕，難得開腔回應最新一期《忽然1周》拍下他上月底在爾冬陞經營、位於跑馬地的「Alabar」外，與好友唐唐（唐鶴德）拖手的照片，哥哥手上更拿一支煙，而哥哥早前曾執導宣揚禁煙的電影《無煙草》，他昨日矢口否認當日自己有抽煙。 |
「發仔都咀我」
對於和唐唐拖手一事，哥哥昨日從容地說：「已經好耐啦！我成日同男男女女都拖手，乜事都冇，發仔（周潤發）見到我都咀我，係咪要問發仔有冇問題？而當時我都醉醉哋。」
問哥哥是否因醉意而忘形抽煙？哥哥說：「應該唔會，我都冇食煙。其實我唔介意俾人影相，大家搵餐飯食。如果人失業，打劫我咪仲弊，咁小家做乜，我好大方，唔見得光係人哋，唔係我。」
「神秘過明星」
雖然哥哥說不介意被狗仔隊跟蹤，但卻又連珠炮發地指狗仔隊的行為可笑，他說：「佢架車拉晒簾，仲神秘過明星，但又隊支炮（鏡頭）出嚟！閃閃縮縮、好肉酸、好低B。」
蘋果日報
LeslieCheungCyberworld © 2025 , All Rights Reserved