2000
《無煙草》記者會
2000-08-18
哥哥張國榮與梅艷芳雖然老友鬼鬼，但昨日於哥哥執處女導演筒的短片《無煙草》記者會上，阿梅大顯其「遲到本色」，一向率直的哥哥，不但沒有刻意掩飾其不滿，更出口勁寸阿梅，以大會贈送的古董相機，暗寸阿梅說：「襯晒你年紀！」
哥哥張國榮為港台自編自導自演反吸煙短片《無煙草》，昨日一眾片中演員齊齊出席此電影記者會。由於哥哥首次執導演筒，所以甚為緊張，尤其當其他演員如梁詠琪、莫文蔚、容祖兒及王力宏已經抵達，但女主角梅艷芳卻未見蹤影，令哥哥頗為焦急。
當有工作人員告知哥哥阿梅將於五分鐘後到，哥哥竟然冷笑說：「佢話五分鐘即係十分鐘啦！」結果中午十二時舉行的記者會，阿梅十二時四十分才姍姍來到，哥哥亦終於鬆一口氣，但言語間卻露骨地勁寸阿梅遲到：「多謝阿梅啦！佢平時呢啲時間連身都未轉呀。」剛說畢，哥哥忍不住再下一城：「啲重頭戲喺晒佢度，如果佢再遲些我就趴街啦！」
蘋果日報
LeslieCheungCyberworld © 2025 , All Rights Reserved