1994
王家衛對《東邪西毒》七位演員的看法
|
|
初次合作的梁家輝
我覺得家輝係一個好有「心計」的人……而在《射鵰英雄傳》小說入面，好多人都覺得東邪係一個好飄逸、唔受傳統規限的人；但我覺得東邪好保守、好攻心計，驕傲，而且妒嫉心好強 ……所以適合家輝去演。
林青霞（《重慶森林》是拍攝在這部之後）
對我來講，林青霞係一個有多種面貌的人，在公眾場合有一種，對朋友又有一種，私底下又有另一種……我成日都覺得她應該演一些「精神分裂」、成日顧影自憐的人！由於我覺得自《東方不敗》之後，青霞女扮男裝的角色登場都未試過好好發揮！所以，我安排了這個時男時女的角色給她。
楊采妮
Charlie係美少女的象徵，好似在戲入面，她對於每個男人來講，都係屬於「多人鍾意那種女人」。
張國榮（《阿飛正傳》之後再合作）
原本打算找Leslie演東邪，但後來覺得有些悶 ……而且他其實可以做西毒——自卑、唔想受到傷害；張國榮從未試過演這類角色。
如果評價今次演員嘅演出，我會用「恰如其分」去形容全部演員，但比較難得的是張國榮，他基本上是「擂台躉」，所有角色都會路過他的旅店 ……張國榮不單只做到姿態從容，兼且角色統一。所以，對張國榮來說，這套戲是一個成就！ |
張學友
他一直都只是做些大哥哥角色 ……我覺得他其實需要時間去令自己成熟。而當進入成熟期成為一個真真正正的「男人」，就是學友演員生涯最光輝的時刻！所以我安排他《東邪西毒》中做洪七公，有老婆，成為一個「男人」。
梁朝偉
今次的角色只係將《阿飛正傳》的角色延續下來，一樣咁浪漫。偉仔其實係一個好鍾意發夢的人，好做戲！
劉嘉玲
同《阿飛正傳》一樣，她的角色依然好「實淨」。亦一如嘉玲本身，一樣係「好physical」、好「實際」的！
香港雜誌
LeslieCheungCyberworld © 2025 , All Rights Reserved