2003
張國榮遺作碟九十炒到二百
張國榮的遺作大碟《一切隨風》在上周二推出，一推出即榮登大型唱片連鎖店的銷量榜冠軍位置，而日前哥哥的至愛唐鶴德及胞姊張綠萍入稟申請禁制令，要求監製梁榮駿交還哥哥的遺作母帶之後，歌迷擔心禁制令會令到該碟成為絕版，馬上再度引起歌迷瘋狂搶購留念，除了立即掀起炒風，由約九十元一張炒賣至二百元之外，大部分唱片舖更被掃清貨，該碟的海報亦由十元一張炒至五十元，甚至連有關該碟所有非賣品亦被歌迷出高價掃光，賣得的都被歌迷買光。
海報十元變五十
 |
昨日記者到旺角信和中心更發現其中一間唱片舖該碟只賣剩最後一張，並在唱片面上寫上「全港最後一張」，店舖老闆向記者表示：「凡係有關呢張碟，炒得就炒，歌迷買得就買，呢張碟海報本來只賣十元一張，炒到五十元都有人買，甚至連呢張碟非賣品都被歌迷出高價買埋，好誇張，好耐冇試過咁瘋狂咯。」
六萬大碟已售罄
而「環球」中文唱片部總經理黃健豪承認哥哥的唱片一出就缺貨，他說：「依家搵幾間印刷公司趕工，首批推出六萬張碟一早售罄，第二批約三萬張將分批推出市場。暫時仲未收到唐先生禁制令，亦唔希望收到，因為咁樣會助長炒風和翻版。」 |
東方日報
LeslieCheungCyberworld © 2025 , All Rights Reserved