2000
個唱改穿長裙惜肉如金 「莎朗哥哥」變「帝國嬌榮」
2000-08-06
張國榮前晚在紅館舉行第五場個唱，哥哥換了一條甚具古羅馬鬥士味道的長裙，和日前穿的短裙，風格截然不同，由「莎朗哥哥」化身為「帝國嬌榮」！
張國榮前晚在紅館演出第五場個唱，哥哥（張國榮）前晚開始換衫，不再穿之前的一條及膝裙，改穿長裙。
而哥哥的長裙，甚有古羅馬鬥士Feel，和荷李活電影《帝國驕雄》有異曲同工之妙，和日前穿短裙模仿莎朗史東的造型截然不同。
場內Fans更高聲尖叫，大叫哥哥除衫。哥哥沒好氣地說：「嘿！除咗裙之外，我仲有褲打底！」可是哥哥前晚卻沒有如常般坐在櫈上，Fans可謂沒有眼福。
晒命有人送車
劉嘉玲和邱淑貞前晚來捧哥哥場，哥哥在台上說：「嘉玲今晚有嚟，邱淑貞亦喺度。你估你（指邱淑貞）生日先有人送車！我夠有咯，遲啲我出嚟，你就知邊個送。你估你至幸福呀，我夠有咯！」
邱淑貞早前生日，丈夫沈嘉偉送了一架黃色新款甲蟲車給豆斗（邱淑貞），估不到哥哥前晚亦晒命有人送車，不知是否哥哥的好友唐生所送呢？
冇偷偷摸摸
哥哥還在台上說：「藝人最緊要台上表現得好，私生活關你乜事，我佩服啲人咁八卦，尤其狗仔隊窮追不捨，千祈唔好話我偷偷摸摸，我企定定俾你影。將來我亦會昂首闊步，做光明磊落事！」
蘋果日報
LeslieCheungCyberworld © 2025 , All Rights Reserved