Leslie Cheung Cyberworld

個唱第二場坐麻雀櫈防走光張國榮梨花帶雨謝知音

張國榮前晚在紅館演出第二場個唱，當他感激歌迷兼發表性別宣言時，終忍不住哭起上來。而哥哥為防走光，更特別出動打麻雀坐的櫈，台下Fans可謂沒眼福了！

一連十二場的《張國榮熱．情演唱會》，前晚在紅館舉行第二場，哥哥（張國榮）在尾段Encore部分，再度唱出代表他心路歷程的國語歌《我》，一時感觸，在台上哭起上來，猶如淚人。

七條底褲

哥哥邊哭邊說：「其實咁多年來，圍繞我身邊有好多是非，我已經盡量唔理，但藝人有時唔可以唔理。我多謝Fans咁耐都冇變，咁多年仍然支持自己。上天係公平，冇分男女，冇分你我，都係一樣，好多謝你哋咁支持我。」哥哥公開表達他的性別宣言，可算別有用心。

此外，哥哥第一場裙坐在高上唱歌時，不慎露底走光，哥哥前晚改坐低，他說：「呢張櫈係喺我屋企搬過嚟，我打牌都坐佢，費事走光啦，我七條底褲，我咁易俾你起底？但我嗰日都俾人影到走光。」

哥哥前晚和一班性感女舞蹈員載歌載舞，唱出一曲《枕頭》時竟甩嘴接不上。

唱歌突甩嘴

他自嘲說：「我同女人一齊時，就最易唔記得歌詞。」哥哥更大讚他的結他手靚仔，他說：「唔靚仔做唔到我隊Band成員。」

前晚場館接近爆滿，一班觀眾對哥哥的演出十分受落，頻叫：「好正！好索！」