2014
張偉文當年情
2014-04-07
節錄張國榮部份
縱橫樂壇36年，現年61歲「靚聲王」張偉文（Donald）將於本月11及12日在灣仔新伊館舉行兩場個人演唱會。當年他由幕前被逼轉做和音維生，殺出月搵幾十萬的「和音界天王」血路！1988至1999年因為堅持唔減價，搞到冇工開要透支過活，最後要債務重組，直至2003年強勢回歸歌壇，短短幾年間還清一身債。時至今日仍然有得撈，看盡藝人真假面目的Donald自詡是奇蹟！
感激哥哥
|
「其實張國榮未紅 前我哋已認識，真正建立深厚友誼係跟佢走埠做和音，佢好鍾意同我傾心事，又會唱歌畀我聽，尤其係冇乜人欣賞嘅黃梅調。雖然哥哥好情緒化，當佢忟憎時我會氹 佢開心，記得有次佢發脾氣罵人，我就提高聲調扮佢，張國榮睩大對眼望住我，我回應：『呢個係錄音，我個嘴變咗播音機！』Leslie火氣全消，忍唔住笑。如果當年可以抽時間開解佢，唔知歷史會唔會改寫？諗起都覺得好可惜。當年跟張國榮去加拿大走埠，佢知我愛飲湯，就帶我去海邊一間餐廳飲著名嘅周打魚湯，我話唔食魚，但張國榮叫我一定要試，魚湯一啲都唔腥，Leslie嘅推介果然好得，但最受寵若驚係，佢淨係邀約我一個去，我哋傾咗大半日，徒步返酒店由佢助手影咗呢張咁值得紀念嘅合照。」
巨星互撐
「我幫小鳳姐做和音，哥哥和林子祥入後台探班。」 |
|
頭條日報
LeslieCheungCyberworld © 2025 , All Rights Reserved