1998
傳媒指責無正義心 張國榮自言被屈慣
張國榮與常盤貴子於上周末在海逸酒店舉行《星月記者會》時，發生港日記者衝突事件，日本攝影師對待「明報」一位女記者的粗暴行為，翌日遭大肆報道，更有報章撰文質疑張國榮正義心何在？因他以主角身分在場，目擊一切，沒理由一言不發，容忍自己人被日本人欺負。
|
|
昨日《星》片的監製褟嘉珍為張國榮辯護：「當日情況好混亂，其實我同哥哥初時都不為意，後來望見，哥哥都同我打個眼色，當時我就立刻喝止那位日本攝影師唔好再搞事，事後又捉了他出來道歉，如果咁樣話哥哥，似乎唔多公平。我認為不應該將今次情況同劉德華、成龍處理記者衝突事件來相比，今次事件又唔係好嚴重，當時我都出了聲，哥哥又忙住接受訪問、影相，真係兼顧唔到咁多！不過哥哥對今次被批評只是一笑置之，佢話都俾人屈慣，多一次又有乜所謂！佢反而叫我唔好咁勞氣，慢慢就會好似佢咁化喎！」 |
蘋果日報
LeslieCheungCyberworld © 2025 , All Rights Reserved