Leslie Cheung Cyberworld

特輯「辣」中鄭邵梁三角戀哥哥追住林珊珊八料

無線果然先知先覺，在早前拉隊遠赴巴黎拍攝，今晚播出的「張國榮音樂電影之左右情緣」，情節居然同近期的「鄭邵梁三角戀」似到十足十，包括男女主角都是相戀七年、兩個女角又是一老一後生、第三者主動挑逗，追求男主角。

唯一是劇中張國榮最終揀了曾共患難的女友邱淑貞，大團圓結局；現實生活伊健就背棄了邵美琪，轉投新歡梁詠琪懷抱。

在劇中飾演第三者的張柏芝就話：「我會好似哥哥咁，揀同自己經歷過，唔會貪新忘舊。」

雷同實屬巧合

而哥哥在前晚的首映禮雖然被人話到角色似鄭伊健，他最初就話：「我唔『辣』人度，唔知佢戀愛係點。」但之後一做完都忍不到口，追住林珊珊（伊健經理人）八八卦卦問：「鄭伊健度點呀？」嚇到珊珊走夾唔抖：「咩話？我趕時間呀！」不過到廁所門口記者撞到她，珊珊避無可避，只有笑住講：「如有雷同，實屬巧合。」