Leslie Cheung Cyberworld

首度合作拍MTV 哥哥阿倫雞啄唔斷

譚詠麟與張國榮昨日為兩人的首次合唱歌《幻影／霧之戀》，在極度保密下拍攝MTV，保密得冇一個歌迷知道，所以在拍攝現場並沒有阿倫和哥哥的歌迷出現。

阿倫與哥哥當年曾因兩派歌迷對立，兩人一度被外間視為對頭人，但昨日由拍攝開始，兩人即雞啄唔斷，旁邊的人也無法插嘴。

到底兩人有乜咁好傾？阿倫講下Star East，哥哥就講他的製作公司，又彼此大談打波經，反而一句都冇提到當年他倆的歌迷如何鬥得你死我活。

今次這齣MTV分兩部分拍攝，第一部分兩人皆以靚仔造型拍攝，第二部分則較為生活化，拍攝兩人飲水、傾偈，十分溫馨。

MTV將會於八月二日「環球正東音樂直擊」中首播，此外，整個八月份再在「勁歌超星座」接力主打。