1992
星仔探班好熱鬧 青姐嚷著教做戲 榮哥讚佢有觀眾緣
1992-12-31
星仔人片場探《東成西就》班，哥哥張國榮，姐姐林青霞一見星仔好開心，張國榮自從與星仔合作《家有囍事》之後，成年無見，雞啄唔斷。
.jpg)
.jpg)
青霞一見：「星仔，快啲教我做戲。」星仔笑，用手拖住青霞隻手，搖來搖去。星仔明年三月做導演，女主角方面，佢問過青霞嘅期，唔知星仔有乜計劃？星仔在香港開埠以來，十部賣座電影之中佔其六。汪汪講畀張國榮聽，LESLIE說：「星仔真犀利，佢好有觀眾綠，好戥但開心。」
|
星仔口中嘅青霞姐又點講？「呢種現象，數十年難得一見，星仔值得驕傲，應該把握呢段黃金時刻！」
星仔探班，在化粧間，與青霞、張國榮，梁家輝影相，家輝化粧，無企起身。佢非常風騷的說：『喺啲天皇巨星面前，我梗係矮咗一截啦！」最近嘅家輝，真係風騷得好緊要，心情靚到飛起，每次入廠拍《東成西就》，如穿花蝴蝶，呢度傾吓，果度傾吓。「做人有乜野吖，個個都熟嘅，開開心心又一日。」家輝睇透。
《東成西就》拍海報預告時，高佬王家衛要求張國榮、王祖賢作互嘴狀。家輝就在旁邊大叫：「我都要嘴呀！」結果佢最後一個SHOT：就抱住青霞嘴咗一下！每次早收工，家輝亦會抱住祖賢、青霞惜一啖先至走。果晚家輝要惜祖賢面珠，祖賢說：「日日收工都惜，今日唔好惜！」家輝說：「都要惜吓嘅！」借完祖賢惜青霞，先至講聲拜拜！ |
 |
《東成西就》全組工作人員，由導演到小工，都叫張國榮哥哥，叫林青霞姐姐。 而哥哥與姐姐咁多年來，第一次合作。以前唔熟，青霞對住LESLIE有拘謹，而家日日見面，拍同一組戲，又住同一個APARTMENT，樓上樓下，又一齊接通告，得閒哥哥、姐姐，王祖賢與汪汪，又會搓番四圈，感情自然越來越好。
.jpg) |
日前，青霞與LESLIE一齊搭車入廠拍戲，LESLIE問青霞：「你怕唔怕寂寞？」「怕呀，我怕死寂寞！」青霞說。「我都怕！」LESLIE說，於是兩個人交換唔少對感情的看法及心底的說話，青霞激動之餘，流下兩行清淚，LESLIE替青霞抹眼淚。臨落車時，LESLIE對青霞說：「青霞，我會對你很好的。」青霞喊完，不知幾暢快，反而輪到LESLIE情緒低落，青霞說：「LESLIE一定受我情緒波動影響。」 |
在片場，青霞雖叫姐姐，其實係小師妹。因為家輝與LESLIE都係教青霞演喜劇、做發姣獻的啟蒙老師，青霞一拍發姣戲，一定邀請佢地在旁指導，LESLIE有LESLIE嘅姣法，家輝有家輝嘅姣法，青霞就照單全收。
青霞說：「我真係姣唔過佢哋，不過經指點之後，真係成個唔同晒，開放投入咗好多！」演群戲唔放，幾難出位！青霞嘅喜劇感在《東成西就》中表露無遺，被觀眾全盤接受，LESLIE與家輝應記一功，分番青霞一半片酬。
香港周刊
LeslieCheungCyberworld © 2024 , All Rights Reserved