1996
《新上海灘》現場報導 張國榮劉德華好痴纏
1996-05-23
 |
《新上海灘》將陳年舊（電視）劇搬上大銀幕，有乜賣點呢？
有！四千萬元大製作，兩大巨星同場演出，再加上海實地拍攝，又點止舊劇重拍咁簡單？
張國榮、劉德華，兩位都是咁高咁大的大明星，朝夕相對，究竟是火星撞地球抑或擦出火花呢？
好，即刻飛去上海睇睇先！ |
熒幕上的丁力許文強一剛一柔，現場的華仔和Leslie，一樣是一個活潑、一個沉靜，不過行埋拍戲兩個都多話說。「咦，點解你塊面D陰影一笪笪，成隻烏嘴狗咁嘅？」華仔很留心Leslie的靚仔樣。
|
「我講呢句對白有無特別意思嘅呢？」Leslie不斷地在思考，又問華仔意見。二人不但有傾有講，休息時Leslie還問華仔借了副gameboy玩。
「我打gameboy最叻就是tennis，多數會贏；bowling就差啲。」 |
.jpg) |
 |
Leslie一臉得意地繼續說：「佢（華仔）成日都話約埋一齊打bowling，不過一直時間唔啱約唔成……咦，華仔走左去邊？好衰㗎佢，次次走人都唔通知我。」咁痴纏，睇落真係唔似有不和喎！
拍完這一天對手戲，Leslie便趕返香港主持《風月》首映禮和coffee shop 開張儀式，只有華仔留在上海。華仔一個人一樣很活躍，一會兒幫化妝師設計髮型，一會兒又幫人揸相機影相，又多人找他簽名，總之就忙個不停——可能體力消耗太多，華仔拍兩個簡單的動作鏡頭竟然失手，也算是老貓燒鬚了。 |
第一個鏡頭說華仔追著一部車子，NG了五、六次之後，華仔忽然跌在地上，幾秒鐘都站不起來，嚇得工作人員連忙扶起他，事後還抹一額汗：「嚇得我呀！仲以為佢學寧靜（女主角）咁跌到入院留醫，咁就慘囉！」虛驚一場之後，華仔繼續拍一個由車頭跳落地面的鏡頭，誰料又叉錯腳跌低，不過今次好快起身，再拍一次導演就收貨，總算威番一次咁多啦！
優待大明星
大明星的身價往往數以千萬計，所得待遇自然亦與別不同，連Leslie都說：「咁辛苦拍戲梗係要瞓得舒服啲啦……」
除了「瞓得舒服」，華仔與Leslie這兩個大明星還有什麼優待呢？
酒店：全部工作人員住三星級賓館，華仔Leslie則下榻五星級大酒店頂樓套房，房租一日要七千八。
.jpg) |
方便：
無優待喎！因為現場只有男女廁各一，衛生問題就「都算乾淨」Leslie話
食用：
開工日時，大明星都要食飯盒，不過一收工就會搵好嘢食，華仔話「永和」豆漿粢飯最正，Leslie就鍾情「小亭」餐廳 |
|
化妝：
華仔與Leslie共用一架設備齊全化妝車，有次無聊就用即影即有相機幫對方留「倩影」，技術都唔錯㗎！
坐駕：
出入都坐Benz，舒適又有face。 |
.jpg) |
.jpg) |
保鑣：
兩個人各自有兩個保鑣，連去廁所都跟到實， 閒雜人等一律不能接近。 |
壹周刊
LeslieCheungCyberworld © 2024 , All Rights Reserved