1996
《金枝玉葉》現場報導 靚靚哥哥床上蜜語
1996-08-15
原來，講「波經」可以在球場講，可以在電視機前講，亦都可以在床上講。不過，不同地方講的「波經」，可能是講足球籃球網球或是人球。無錯，是人球，亦即是男人或女人的胸部。
床上戲
喂：「嚟啦！」哥哥張國榮一講完就雙手一伸頭一縮，脫去身上T恤，然後跳上大床竄進被窩，準備同袁靚靚來一場「床上戲」。
.jpg)
露兩點的哥哥為求完美，避免身體郁動時穿崩露出褲頭，索性將短褲脫掉，只穿內褲。可惜，袁靚靚沒露點沒露膊，甚至連性感內衣都欠奉，因為這場「床上戲」不是「咩嘢」，而是酒醉後發夢，所以，袁靚靚穿得好密實。雖然沒有床上肉搏，不過袁靚靚同哥哥 在試完戲後，就即場上演一幕「口鬥」，你一言我一語互相捉弄。
「嘩！哥哥你（胸）好犀利！」靚靚指住張國榮的胸部，然後又說：「你有埋波罅添！」 「梗係啦！好似你咩！我閒閒地都夾到條鎖匙，你就連支牙籤都唔得！」哥哥揶揄靚靚時，全人類都在笑。
「你好衰架！你咁講人哋好自卑㗎！』雖然給哥哥踩袁靚靚沒嬲還在笑，因為，她對自己的身材都幾滿意，「雖然我係瘦，不過我絕對唔係飛機場上一粒沙，起碼都係飛機場上嘅『安全泊』。」果然是個「安全泊」，因為靚靚穿上西裝時，依然有「睇頭」，並不是平面方角。
唔好影！
雖然，袁靚靚好合作任影唔嬲，不過有場戲就絕對不准外洩，還下令唔准影！點解？因為袁靚靚要突破要玩橋，要做一個大胸女人色誘張國榮囉！導演要求靚靚動用了兩個厚胸加吹氣公仔頭髮，想不到平時平平無奇的靚靚經過加工後，果然奇峰突出。在戲中，靚靚要情挑哥哥，除了犧牲色相之外，還出動「指功」——同哥哥腳底按摩，而且一面按一面叫，「嘩！呀！哎！」難怪哥哥話：「唉，我仲以為自己拍緊風月片！」
|
什麼叫做化腐朽為神奇？看看哥哥間木屋啦！雖然這間木屋只是一件「道具」，只有兩、三個星期壽命，不過美指奚仲文一樣落重本，花了80多萬做裝修，又買40萬傢俬和擺設，將原本只有四面木牆一個大框框的空地變成三千多呎的半山高尚住宅。
難怪有些幕後人員開玩笑說：「早知買間屋租俾公司拍，慳番啲裝修同傢俬費。」 |
 |
壹周刊
LeslieCheungCyberworld © 2024 , All Rights Reserved