Leslie Cheung Cyberworld

1996

群鷄亂舞張國榮天台被襲事件

1996-01-21

賀歲片《大三元》煞科當日，導演徐克選擇於九龍城面向機場的某大廈天台取景；一班主要演員張國榮、袁詠儀，江欣燕、馮蔚衡及澳門小姐畢嘉寶等，一早抵達現場，準備化妝，穿好戲服等開工。

雖然一早就要開工，但一班演員不單沒有半點倦容，反而精神奕奕，精力充沛，又唱又跳。

原因當日拍攝的一場是歌舞戲，由飾演神父的張國榮教四隻小雞（妓女）包括靚靚、欣欣、馮蔚衡及畢嘉寶唱聖詩，所以各人有晒心理準備，盡情咁唱，點知因為太過得意忘形，中途發生意外，張國榮的「要害」慘被江欣燕的倀雞腳一踢，哥哥慘叫之餘，後來更不支倒在地！

工作人員看到，驚慌萬分，兇手江欣燕更不知所措，竟然話要替哥哥搽紅藥水及睇吓有無事，場面尷尬又好笑。

後來哥哥起番身，不單沒有責怪她，仲右講有笑，點解？剛才一幕只是劇情需要，並非「來真」的！

直至中午放食飯，見黃百鳴悄悄來探班，靚靚好醒目，走埋去叫老闆俾錢買嘢食，黃百鳴笑咪咪（唔知真笑定假笑？）從荷包攝咗二千蚊「萬歲」，靚靚收錢後，就吩咐工作人員落樓下「加料」，究竟加乜餸，當然係九龍城最出名嘅泰國菜，忽然間，一餐變三餐，個個食到捧住個肚，連導演徐克亦笑住向記者話：「唔該你哋，唔好做嘢住，幫手食嘢先，咁多餸食唔晒㗎！」另一邊廂的黃百鳴，荷包被「掠」後，只好悄悄離去。

1996

群鷄亂舞張國榮天台被襲事件

東方新地