1996
《金枝玉葉II》拍攝現場報導 榮少對靚靚「無反應」
1996-08-08
 |
《金枝玉葉II》趕暑假檔期，所以差不多日日開工，記者亦樂此不疲頻頻探班。榮少當初力薦阿梅與靚靚合作，因為相信二人必定擦出新火花，果然如榮少所料，靚靚與阿梅正式埋牙的第一次，即吻出火花！ |
阿梅、靚靚「有距離」之吻
靚靚與阿梅各自拍了幾組戲之後才正式交手，陳可辛導演更要她們拍一場嘴對嘴的親熱戲，難度更高是兩人要距離零點幾公分，不能真的「咀」下去。靚靚話：「本來兩個人咁近距離，望望吓好容易笑出嚟，哈，點知我同梅姐都無笑，兩take就OK，NG唔係因為唔好，而係想更加好。」陳可辛拍完這個鏡頭之後，捱了幾日眼瞓亦為之精神一震，當場大拍手掌，他相信往後兩人拍的一場床上戲，將會更加「激」，更有意外驚喜！
同性戀疑惑
好多人問，阿梅在戲中是不是同性戀？導演陳可辛可以解答大家的疑問，他簡潔的說李綺虹、陳小春是攣的，其他人都是異性戀。陳可辛說異性戀者亦會欣賞同性，有時會懷疑自己是否有同性戀傾向，其實，戲中女扮男裝的靚靚與榮少是一對，阿梅不知靚靚真正的身分，所以才鬧出同性戀疑雲。榮少與靚靚在戲中有場達八十秒的激吻鏡頭，一分鐘六十秒，八十秒豈非分幾鐘？
榮哥哥被封「Kiss聖手」
|
「吻」完之後，靚靚封哥哥張國榮做「Kiss聖手」，因為哥哥夠放帶她入戲，既然夠放，那麼有沒有……？ 靚靚聽到記者的出位問題，立刻大叫站在另一角接受記者訪問的哥哥不要答，靚靚話：「答無嘅話，我唔係好無面？！」點知榮少不理三七廿一，一句話，「無反應。」立刻引得大家笑呵呵。
此時，工作人員突然將片廠的燈熄滅，漆黑一片之下， 又聽到靚靚大叫：「哥哥小心啲，咁多女人圍住你，」靚覩還作狀擋在哥哥前面，大叫：「我要保護你。」逗得張國榮啼笑皆非。大家都看得出，榮少好照顧靚靚，靚靚在哥哥面前也特別乖巧精靈，兩人已到沒有年齡、男女性別的限制。所以，《金枝玉葉》幕前與幕後都是一齣好戲。 |
 |
香港電視
LeslieCheungCyberworld © 2024 , All Rights Reserved