1997

張國榮貴過Michael Jackson

1997-05-15

張國榮的97世界巡迴演唱會，以五月十一日在倫敦作最後一站。哥哥傾力演出，歌迷也反應熱烈。不過票價卻非常高，一張票近港幣七百元，竟然比天王巨星米高積遜的還高。正因如此，票房反應不大理想，入座率只有兩成，結果要買一送一促銷。幸好哥哥絕不欺場，期間還對歌迷開玩笑：「原來票價咁貴，不過淨係睇我姣、靚、寸、型嘅表情，都值回票價啦！」

貴過Michael Jackson

張國榮在英國的倫敦及曼城開演唱會， 票價分別是55鎊（約港幣700元）、45鎊（約港幣550元）及35鎊（約港幣450元），比起國際巨星米高積遜（Michael Jackson）在七月開的演唱會票價高出近四成。米高的票價也只是30.5鎊（約港幣370元）、28.5鎊（約港幣350元）)及26.75鎊（約港 幣330元）。票價高，加上在海外，又加上場館Wembla Arena座位多（約有一萬二千），故此入座率只有兩成（約二千人）。原來自上次黎明的演唱會反應欠佳後，當地不少華人都估計張國榮的演唱會不會空前激 烈。據知由於門票開售後欠理想，製作公司已將門票購買形式由「買五一送一」改為「一送一」即買一張門票另加送一張免費門票。而當地華語電視台CNE更為演 唱會免費製作廣告，來換取張的演唱會門券贈予觀眾。

據該電視台的營業部經理鄭健文透露，鑑於電視台有意推廣華人演唱會，才會免費送廣告：「當做玩遊戲，等本地華人有機會睇囉，而且一個spot（廣告次數）成本唔係太貴。」

據知此次張國榮演唱會的成本約十三萬鎊（約一百六十多萬港元，包括租場、製作及宣傳費用），估計入座率要超過三千人才可回本，但還未計算張國榮的歌酬（約八十萬港元一場）。由於只有二千人入場，故此主辦單位星輝娛樂的確蝕了不少錢。求證於星輝娛樂的負責人筒奕添先生，他直認不諱：「無錯，今次個演唱會蝕錢。但最重要係樂迷嘅反應，今次比上次黎明好不知幾多倍，雖然入座率偏低，但搞呢門生意，我哋公司預咗蝕錢。上次黎明只係唱十零首歌就算，但哥哥好專業，唱足兩個半鐘，絕不欺場…...至於蝕幾多就唔講嘞，但今次買一送一呢個方法只此一次，下不為例。今次雖然有少少失望，但希望樂迷有共鳴，咁我地就會搞落去，暫時我地仲蝕得起。但據知當晚曾因入座率偏低而打算取消該晚演唱會？「無！絕對無呢回事，謠言嚟睹。」現在星輝娛樂正洽商張學友的《雪狼湖》，而簡先生亦相信張學友的號召力絕對可以再搞旺歐洲的娛樂事業。

雖然入座率頗低，但張國榮當晚仍出盡渾身解數，並無欺場，而不少歌迷更是從曼城來倫敦觀看。當晚張國榮的表演方式與在港演唱時分別不大，但卻一時感觸，說出不少心底話：「可以話呢次係我最後一次嚟倫敦表演（因香港九七回歸中國），以後就唔係咁易嚟呢度，希望你哋鍾意今次呢個表演方式。其實今晚我咁性感，淨係睇我姣、親、型、寸，著高踭鞋扮女人，已值成十五鎊啦，所以話呢個演唱會好抵睇！」另外他又提到希望往荷李活發展電影事業，他說：「我諗以後我會放多些時間落電影方面，我好希望去荷李活拍電影，好似吳宇森同周潤發咁，特別係發仔，好希望他在荷李活的第一齣電影Replacement Killer會掂。」

壹周刊