1999
戀上左右手的《紅色戀人》
1999-11-17
|
|
哥哥張國榮自從宣佈退休到復出，所拍嘅戲部部都叫好又叫座，好似之前嘅《星月童話》、《流星語》咁，而舊年，哥哥更靜靜拍咗部大陸戲《紅色戀人》，以哥哥今時今日嘅地位，揀嚟拍嘅戲一定都係有品質保證，絕對唔駛驚係垃圾戲，相信呢部都唔例外，應該會係一部甚有水準的電影！ 這部戲個導演叫葉纓，來頭不少，出於電影世家，九四年曾經憑《紅櫻桃》獲得「金雞獎」最佳故事片獎、「百花獎」最佳故事片獎及參加美國奧斯卡最佳外語片獎的評選，可以預計中國未來又會多一個好似張藝謀般國際級導演。此片在中國方面己經上映了，反應相當好，而且票房更壓倒其他國產片，獲得全國國產電影票房冠軍呢！哥哥對葉導演的功力十分信任，在《紅色戀人》中的表現十分放，還首次在片中以威風凜凜的革命英雄造型出現，有型有款，真係迷死人！ 在這部以三十年代上海做背景的愛情電影中，哥哥飾演一個從外國留學歸國的熱血青年，因此哥哥戲中的對白有八成都是英文，是他從影以來講英文最多的一次。哥哥一向都是交足貨的演員，好似上次拍《霸王別姬》，他就專誠走去北京學京劇，還練到一口字正腔圓的國語演出；今次講英文，相信一定難唔倒他啦，想聽哥哥的英文係咪好「流利」，就要捧場喇！ |
另外，同哥哥一齊合演這部戲的，還有一個大家可能會覺得有些少陌生的女主角梅婷，年紀輕輕的她，已經憑此片奪得第二十二屆開羅國際電影節最佳女主角，足見她演技精湛，而且她還會同哥哥有一段十分淒美浪漫的愛情！再加上美國荷里活實力派演員Todd Babcock，他在片中是哥哥的情敵，有型程度不比哥哥遜色。片中都係清一色演技派演員，相信一定會好戲連場！
娛樂天下周刊
LeslieCheungCyberworld © 2024 , All Rights Reserved