2000

哥哥出山大計 進軍國際創造Y2K神話

  2000-04-28

哥哥去年加盟環球唱片後動作多多，出唱片和譚詠麟合唱、頻頻曝光、亮相頒獎禮，上星期在「拉闊音樂會」更唱足兩個鐘，風頭之勁，一時無兩，以前一向低調的哥哥點解咁積極？原來哥哥今次出山，不止要再戰香港樂壇，還密謀與國際天皇巨星合唱，進軍國際，創造另一個樂壇神話！

在八十年代與譚詠麟平分天下的哥哥，一九八九年宣佈退出歌壇，但擁護他的歌迷一直對他不離不棄，至一九九五年，哥哥在歌癢下簽約滾石唱片公司，再出唱片，但他卻保持低調，絕少曝光，亦甚少做唱片宣傳。 

自嘲老嘢出山   直至去年，哥哥簽約環球唱片公司，哥哥一改過往作風，高度曝光，年初亮相各台頒獎禮，盡顯風騷，在上星期商台主辦的「拉闊音樂會」上，哥哥落力獻技，全場騷動，除贏盡當晚會展內數千歌迷的掌聲外，更語帶雙關的說了一句「老嘢出山梗係爆啦」！

自稱「老嘢」的哥哥，自去年出山後屢創佳續，除了他個人的努力外，環球唱片公司總裁陳少寶可謂居功至偉，據悉由當初斟介哥哥加盟到宣傳策略及造勢活動，都由陳少寶親自策劃，所以，哥哥今日的氣勢，陳少寶功不可沒，究竟陳少寶有甚麼法寶令哥哥打破慣例，願意花大量時間做唱片宣傳（哥哥過去幾個月所做的宣傳，包括剛完成的「拉闊音樂會」也是沒有酬勞的）？

充滿自信的少寶說：「歌星做唔做宣傳，我覺得要睇唱片公司俾乜嘢宣傳活動個Artist，特別嘅、有趣味性嘅，相信無邊個Artist 唔做，好似話同Michael Jackson合作嘅話，邊個會唔做，我哋做法就係咁，如做《左右手》宣傳咪有呢個品質，所以Leslie有興趣做，差啲都唔敢麻煩佢。」

躍登國際舞台

由哥哥去年簽約環球後的連串攻勢和曝光率，證明哥哥都好滿意唱片公司為他安排的活動，取得第一步的成功後，陳少寶又會如何將哥哥推向更高峰？   「我好想搵個鬼佬歌星同Leslie合作，而家正在諗緊，人選會從音樂角度去諗，當然最好係自己Label 歌手，亦不排除和其他公司合作。」少寶胸有成竹說。如果哥哥能與國際巨星合唱，不但為哥哥帶來新嘗試及新的衝擊，相信亦會為哥哥進軍國際舞台踏出重要的第一步，由於一切尚在部署階段，仍未知哥哥會跟那一位國際巨星合作，但在唱片公司積極拉攏下，哥哥要躍登世界舞台指日可待。

新碟薄利多銷

哥哥邁向國際尚待唱片公司努力安排，在本地的出碟計劃則已編排妥當，好像哥哥剛推出新的EP，唱片公司已擬定宣傳策略。

陳少寶說：「今次唔會有太多工作，初步傾緊網頁會做，另外會在今個月中喺時代廣場舉行一個大型簽名會，再拍一至兩個MTV。不過最特別係呢張EP會附送AVCD，輯錄晒Leslie去年年尾頒獎禮精彩片段以及佢影唱片封套嘅情形，Leslie自己更深入講碟內四首歌。」至於宣傳費會是多少，少寶只肯說：「價錢合理，因現時市場都唔係好氣候，預計明年會好番啲。」

四首歌加送AVCD，價錢依舊與一般EP約五十元一樣，少寶笑言是要薄利多銷。

其實哥哥這張EP並非今年焦點所在，暑假演唱會之前所推出的一張大碟才是他的出擊重點，而籌備工作亦已展開，且快將開始錄音。

去年哥哥在各個頒獎禮大露鋒芒，今年可會再接再勵，繼續攞獎？少寶對於攞獎則有另一番見解，「而家唔知，做掂就自然有獎，唔想為獎而做嘢。」

否認不和傳聞

Leslie與少寶交情非淺，公事上是並肩作戰的拍檔，私底下更是無所不談的好朋友，提到早前有某周刊報道兩人不咬弦，少寶為此事非常不滿，他說：「有周刊話我同Leslie唔妥，我一直無出聲，而家事實勝於雄辯，我地合作愉快，根本無任何拗撬，睇Leslie響拉闊音樂會上都多謝Duncan，Lisa（兩人均為環球中文唱片部高層）就知道，Leslie做得好開心。」

哥哥積極出擊樂壇，除了是歌迷的福氣，亦可為現今沉悶的樂壇帶來一些衝擊，如果成功打入國際舞台，就更加是華人歌手的光榮。

三周刊