2000
哥哥嫌自己唔夠黑
2000-05-22
做藝人最忌自己半紅不黑，但哥哥張國榮在新作《鎗王》中卻偏偏嫌自己唔夠紅又未夠黑，但兩者加埋卻又絕對矛盾！話說早前有很多報道指哥哥在片中的造型十分之「殘」，但其實有幾多人知道，這是哥哥自己要求的呢！
又紅又黑
哥哥張國榮在《鎗王》中要飾演一名精神失常的殺手，為演好角色哥哥不惜妄顧自己的靚仔形象，實行將自己「至殘至頹」的樣子表露人前，希望可以加強角色的說服力，但若果各位以為這只是哥哥沒有化妝的樣子則大錯特錯，其實哥哥呢個「殘樣」是經過人手加工。據本片女主角黃卓玲表示，哥哥原來對自己的「殘樣」十分執著。「佢成日都話自己個黑眼圈未夠黑，又話眼中的紅根唔夠紅，於是化妝同事經常都要為佢『補妝』，才得出片中的效果。」
既然哥哥如此有演員道德，必定令一眾與他合作的對手佩服到五體投地，且看兩位靚女黃卓玲及陳法蓉對哥哥有何睇法：
黃卓玲
「佢真係好容易帶到對手入戲，因為佢成日都可以保持戲中角色的性格，所以我會覺得但成日都好cool，但鏡頭以外的他其實好溫柔好nice，名副其實是一個好『正』的男人。」
陳法容
「雖然呢套戲入面我甚少同佢有對手戲，但我覺得佢係一個好有魅力的男人，加上佢演技好好，同佢做對手戲肯定得益不少，極之期待可以同佢再合作。」
香港電視
LeslieCheungCyberworld © 2024 , All Rights Reserved