2003
張國榮破天荒為Twins賀年歌《你最紅》 MV擔任男角
Twins早前曾透露會邀請一位天王巨星客串賀年歌《你最紅》MV 中「三叔公」的角色，但卻沒有公布這位神秘嘉賓是誰，以致引起外間不少揣測，甚至有不少人估計是成龍大哥﹔直至昨日這謎底終於揭盅，原來在MV中扮演「三叔公」的正是「哥哥」張國榮，Twins與「哥哥」合作相信一定獲歌迷歡迎，齊聲叫好﹗哥哥的美男魅力與Twins沒有代溝，兩個妹妹仔被哥哥電到暈陀陀，而且不時露出一副嗒糖樣，毫不掩飾這份少女情懷。
被電到暈陀陀
|
|
今次哥哥義務客串，對Twins非常重視，更特別揀了件紅色皮褸為佢地拍MV，十分有型，迷到Twins暈得一陣陣。拍攝初期，Twins表現得好緊張，未能完全發揮，後來，佢地得到哥哥的指點，哥哥更主動教阿Sa同阿嬌一些鬼馬的動作，令氣氛愈來愈好，異常融洽。Twins重大讚哥哥好靚仔，平時好精靈活潑的Twins在哥哥面前突然變成兩個淑女，可能佢地被哥哥電到暈陀陀，所以大家在MV裏面，會見到Twins勁冧個樣，佢地重異口同聲話好想有機會可以同哥哥再次合作。
Twins表示一見到哥哥，即刻心跳加速，即使曾拍過不少MV，但亦由「老薑」變成「子薑」。其中一個鏡頭阿嬌（鍾欣桐）要把瓜子丟入哥哥口中，她掙扎了很久，最後要哥哥開聲才放心丟，因她擔心會丟中哥哥的臉呢！ |
據知，這次成功邀得哥哥粉墨登場，阿Sa（蔡卓妍）實功不可沒，全靠她膽粗粗打了好幾次電話給哥哥，才用誠意打動到他。為何要找哥哥任MV男主角，阿Sa說：「我這首歌叫《你最紅》，咁我就即刻諗到哥哥，認為佢先可以合乎到呢個歌名。」
Twins去年曾經以不同的搞笑造型拍MV，今次就更加特別，以美人生鬚的新形象示人。原本以為黐住鬚會好辛苦，點知佢地愈黐愈興奮，愈黐愈多，搞到阿Sa同阿嬌都變了女版布魯圖，認真騎呢！
為求營造賀年氣氛，唱片公司今次不惜斥資七位數字拍攝，並請來數十人的醒獅隊同場表演。去年Twins以搞笑look拍攝MV，受到好評。今次她們嘗試新的形象，以美人生鬚形象示人，樣子十分騎呢，相信歌迷會倍感新鮮。
綜合報導
LeslieCheungCyberworld © 2024 , All Rights Reserved