1993
與張國榮賀歲對撼 星仔握手並說恭喜
.jpg)
文：阿吉（林冰）
今年五部賀歲片，邊個會鰲頭獨佔呢？一般，都是睇好周星馳的《龍過雞年》的。因星仔是港產片中，唯一的賣座的保證。也有人買《花田囍事》贏，他們的根據是星仔的《武狀元蘇乞兒》收不夠四千萬。《龍過雞年》如果不是拍得太理想，或許未必去到四千萬。阿吉說：「點同呢？《龍過雞年》賀歲噃」有人話：「農曆新年檔檔好戲，強敵當前，未必好過聖誕節噃。」
預言家紛紛出籠，誰人眼光獨到，很快就見分曉。
話說有一日，張國榮、毛舜筠在一個場合，遇到星爺周星馳，張國榮話：「星仔，舊年我地一齊合演賀歲片(指《家有囍事》)，今年我地打對台。你點睇今年嘅情形？」星仔伸出手，與賴士里握手，曰：「我恭喜你。」以上時故事係毛筠話俾我阿吉知。
阿吉問：「呢句說話係乜意思呀？係唔係佢睇好你地部《花田囍事》？」
「咁又唔一定嘅。」毛舜筠話：「星仔謙虛都未定呢，未必表示佢睇好我地。」
今年農曆新年第一、二檔共十部片，可以話好戲連場，阿吉預計：今年農曆新年的港產片是一個豐收年，希望唔好估錯啦。
明報
LeslieCheungCyberworld © 2024 , All Rights Reserved