1982
大肚腩拍戲肉酸 張國榮猛話賤格
文：阿吉（台前幕後專欄 ）
在《檸檬可樂》的記者招待會上，問張國榮：「你幾時約滿麗的？」
「仲有兩個月。」
「有乜打算？」暫時唔講佢，講咗就會變陳秀雯，被麗的雪藏。」
「那豈不益了你，益你拍電影賺外快。」
「喂，聽話你嘅王老五之家，執拾得好乾凈企理噃。」
「依家唔係噃，拍戲好忙，返到去就只會『撻』落張床，屋企立立亂。」
「聽話你拍蔡繼光嘅《檸檬可樂》，有造愛戲，係唔係？」
「係，不過，你地乜都睇唔到。」
「無除衫？」
「有！你話幾賤格……」阿吉一聽，大喜過望，以為有「正斗嘢」，忙問邊個賤格？做乜賤格？
「我囉，遲唔肥，早唔肥，拍《檸檬可樂》時最肥，有個大肚腩，衫一除，嘩！幾肉酸呀！」
車！咁叫賤格，阿吉以為有精彩下文添。
「班女仔，露雲娜、陳佩茜喺戲度有無除衫戲啫？」
「有！有就話有，無就話無，搞到開記者會澄清，多餘嘞！」
「或者同蔡繼光夾埋做宣傳呢！」
「喂！張國榮，聽話你又接咗翁維銓一部戲。」
「希望你今次唔賤格，有個苗條身材拍暴露戲。」
明報
LeslieCheungCyberworld © 2024 , All Rights Reserved