Leslie Cheung Cyberworld

「哥哥」自認談戀愛異於常人

2000-03-06

張國榮日前接受新城訪問，大談其愛情觀，哥哥坦承他談的並不是一般人認為天經地義的戀愛。哥哥的坦白，實在可愛。

「唔係你認為天經地義」

張國榮繼日前在商台《拉闊音樂會》上，對好友唐生大唱《為你鍾情》後，他日前在新城的一個錄音訪問中，公開大談自己的愛情觀，指自己談的並非是一般人天經地義的戀愛，若唐生聽到哥哥（張國榮）這番敢言說話，定會甜在心頭。

生活得開心

哥哥與林憶蓮日前接受了新城的錄音訪問，當談到感情生活時，哥哥反應頗大地謂：「點解要講。我覺得自己好開心，有好多好好朋友。我唔係去談一啲你哋認為天經地義嘅戀愛，我會同好多朋友去旅行，做好多嘢。我唔需要瞓醒一開眼，就見到有個人喺我隔籬，呢個係我嘅生活模式，我開心就得，多謝關心，我好好。」

想有小生命

哥哥表示自己一向愛「平鋪直叙」的戀情，因他感到平淡是福。對於老夫老妻的感覺，哥哥亦非常嚮往，我覺得呢種感覺好正，他謂：「如果我個老伴死，我肯定自己唔夠一個禮拜都會死埋，係傷心到死。會唔會想有小生命？以前有想過，但我諗自己機緣未到。」

而憶蓮亦有在節目中，談自己的愛情觀。當主持人問她，如果她跟男友拍拖七年，但竟然輸給一個她男友只認識三日的人，她會怎樣時，這恰巧與憶蓮、李宗盛和朱衛茵的情況近似，她說：「兩個人相處係要互相檢討，我覺得兩人相處係好難，唔係話你負我，定我負你，無話一方係錯，係相對。」