2001
張國榮日本Fans包機來港睇《異》片
2001-11-23
張國榮支持香港電影不遺餘力，最近更出錢出力為自己稍後上映的新片《異度空間》（前名《幽靈人間》），自掏腰包贊助《異》片的部分宣傳費，並邀請日本Fans包機組團來港，於三月廿三日在「九展」舉行Fan Club聚會，並先睹《異》一片。而Fans組團來港所得收益，分作電影宣傳、廣告費，及慈善用途，可謂一舉多得，而預計今次日本Fans團來港的費用約五百萬。
一架包機唔夠坐
對於哥哥今次的落力支持，《異度空間》的電影公司「星皓」老闆王海峰大讚哥哥有職業道德，簡直無得頂，若影圈有多幾個哥哥這樣的藝人，那就好做得多。王氏並透露今次報名參加來港的日本Fans十分踴躍，本來有近六百人之多，但因超出包一架機的預算，所以最後將人數減至四百人，到時哥哥的Fans除一睹偶像的風采外，還可欣賞到特意為他們而設的日文字幕《異》片。
正因為哥哥如此幫手，所以他的要求，王老闆都不會托手肘。原本五月開拍，由哥哥主演的《三少爺的劍》，因到時哥哥要開拍自己執導的電影，故要求將《三》片押後，王海峰也無異議。王氏稱：「哥哥對電影嘅積極真係無話好說，佢仲驚我地唔夠宣傳，問我使唔使叫埋韓國組團來港。而早前上機到泰國度假前一晚，也二話不說為電影錄音到半夜兩、三點，真係唔話得。」
綜合報導
LeslieCheungCyberworld © 2024 , All Rights Reserved