2001

哥哥天台拍戲畏高手震


 

 2001-10-11

 

前晚,張國榮與林嘉欣深夜時分到佐敦一天台,為星皓新片《幽靈日記》開工,身處十五樓高的哥哥(張國榮),在拍攝一場坐在天台邊的戲份時,拖著哥哥手的嘉欣,笑言感覺到對方手震。

 

/images/0000/4463/innerE4d.jpg    

張國榮與翁靜晶十七年前拍邵氏的電影《楊過與小龍女》認識,當時有傳翁靜晶暗戀張國榮,事隔多年,重提舊事,哥哥極力否認:「冇呢件事,當年我成日見翁靜 晶走過隔籬廠探劉家良,後來先知道佢哋拍拖,自從合作拍完楊過、小龍女之後,我地都冇再拍檔,大家好少聯絡,冇見十幾年啦!不過我覺得呢個女仔好特別、好 叻,佢呢幾年真係好努力,由做保險到讀律師,令人佩服!其他嘢我就唔講啦!」

 

環顧圈中所有男星,哥哥跟新人合作的機會比較多,在《幽靈日記》與林嘉欣扮演情侶,哥哥笑稱到現在還有些外國人估他只得二十八歲:「我個樣冇大變嘛!Keep得好!由林青霞、張曼玉、張柏芝到林嘉欣,我都合作過,依家好多都做了家庭主婦,我就經歷過幾個電影年代的洗禮。我Keep得咁好,因為我根本唔蒲,最多都係打吓台灣牌!」

 

哥哥在幕前的成績已令他無憾,他亦開始對幕後工作大感興趣,自從親自執導的短片《無煙草》反應甚好,哥哥一時成為各大電影公司羅致目標,而他稍後亦應承執導張艾嘉演出的新片。他笑謂:「其實我對做幕後冇野心,只係興趣。(咁係咪只拍藝術片?)未必,四仔都可以㗎,總之係好電影我都會拍。」

    /images/0000/4465/innerE4c.jpg

 


太陽報

LeslieCheungCyberworld © 2019 , All Rights Reserved