Leslie Cheung Cyberworld

張國榮要排名最後

文：汪曼玲

《東成西就》動用了四生四旦這麼大卡士，怎樣排名？

現在的藝人，的確與以前不同，六、七十年代的藝人會爭排名，最近一次，是狄龍在《英雄本色》對排名次於發仔，有點不開心。對於《東成西就》的排名，Leslie這樣說：「我現在乜都唔理，最緊要係拍一部好戲，至於點樣排名，我唔關心，最好排我第尾。」

張國榮完成《霸王別姬》的宣傳，便為《東成西就》配音，四個小生都是自己親自配音。而四個花旦，只得劉嘉玲配音。Leslie說：「姐姐（林青霞）與祖賢兩個台灣婆，廣東話唔掂，無辦法配音，聽講Maggie喉嚨有事，可能要施手術，亦唔可以配音。」

「Maggie係唔係入醫院，整好個喉嚨咩？」

「唔知呢，不過拍戲時，我地都勸佢快些施手術，一勞永逸嘛，如果唔係一日就一百零三度，第二日一百零四度，第三日一百零八度，咁發燒落去，都唔係辦法！」

Leslie會返加拿大過年，逗留兩星期。他說：「現在加拿大嘅移民條例咁嚴，無謂偷雞。」幸好他乖乖地交足稅，係個良好的移民榜樣，相信加拿大政府不會不歡迎他的。

在電影圈，Leslie有個新花名，叫做「萬人迷」，這個名係姐姐（林青霞）替他改的，意思即是說Leslie與每個人都是好朋友。

「係呀！」Leslie說：「你知唔知，我現在同電影圈好多人都成為好朋友，我好鍾意呢種感覺呀，去到邊，大家都歡迎你，同邊一個都傾得埋，個個都係friend，好鬼開心！」