Leslie Cheung Cyberworld

張國榮為情硬啃白飯

1998-02-06

古語有云：英雄難過美人關，現今出現銀幕為情硬啃飯，場面動人之外又搞笑，可惜難為了哥哥和小倩了！

賀歲片《九星報喜》在十一月已經拉大隊上番禺拍攝，台前幕後一行五、六十人離鄉別井達二十日，本該辛苦難捱，但個個卻異口同聲：從未試過拍戲可以咁嘆！在番禺三個禮拜跟度假分別不大。

細問詳情，才知道每日朝九晚六，甚少夜班，住的是市內最好的祈福酒店，食的嚐遍各地風味小食，尤其是當地的甜品拔絲、高力豆沙和薑汁撞奶，個個食到口不停，難怪連哥哥都話：「返到香港驚肥到無人認得！」玩在港可以夜夜笙歌，但在該處一樣享受到，且價廉物美。

要夾硬塞咁多飯入口已經令哥哥同小倩無晒儀態，點不知導演仲要NG幾次，難怪哥哥死都堅持要喺食飯前拍，否則飽上加飽。

好一幕哀怨纏綿的倒地場面，而哥哥同小倩就因為忍唔住笑連續食幾個NG，難為做飯團的工作人員搓到手軟咋！

張國榮面對這團「大鑊飯」勁加辣椒，除了無語流淚問倉天外，仲可以點？（雖然眼淚係藥水，面紅係胭脂。）

純屬誤會，原來為咗逼真啲，阿B猛咁噴煙落哥哥個假髮裡面，效果又幾好喎！

「七孔生煙」就聽得多，但點樣可以令到哥哥頭頂出煙呢？莫非佢頭頂預知自己喺金馬獎失利？（其實以哥哥嘅為人，就算明知無獎攞，佢一樣會支持出席金馬獎，以示尊重嘛！）