昨晚8時，逾千張國榮迷齊集文化中心露天廣場，出席「有心．人．共鳴」張國榮作品致敬晚會，現場播放長約一小時的致敬特輯，回顧張國榮生前親自創作的作品。晚會於8時半開始，現場只容納1千人，但未開始已有近1,200名哥迷進場，大會馬上截龍，但仍有未能進場的哥迷爬高望能一睹哥哥的作品，警方及保安即驅趕，有人失足墮地，一度混亂。致敬晚會由哥哥哼出的《紅》demo 版揭開序幕，緊接播放一連串其生前作品片段。片段中，哥哥大談創作心得及心路歷程，並插播其作品和得獎片段，好友陳少寶也有受訪憶述與哥哥合作的故事。至晚上9時許，表演嘉賓林憶蓮出場，先獻唱哥哥作曲的《有心人》，再與倫永亮合唱《當愛已成往事》。憶蓮在台上說：「哥哥係我好好嘅朋友，亦係我好尊重嘅藝人，佢真係一個super star ，頭先聽佢講自己嘅創作，真係好感動，好佩服佢對音樂嘅堅持。」

右圖：林憶蓮曾與哥哥三度合作，昨晚她更獻唱《當愛已成往事》向哥哥致敬

加多利山故居 

哥哥生前最愛蘭花，愛其花期較長耐生長，昨日哥哥的故居加多利山門外，有心人送來了一盆蘭花，還有絡繹不絕的哥迷前來獻花，也有人用手機播放哥哥的經典金曲如《共同渡過》等等。下午3時許，哥哥生前的助手Kenneth和好友連炎輝離開加多利山，至5時左右陸續有人送花籃來，其中一個署名是連炎輝。

陳潔靈睹物思人 

「哥哥永遠都喺我心中，佢係一個好可愛又親切嘅人。哥哥好識關心朋友，佢生前送過好多禮物畀我，每件我都好鍾意，好似有佢嘅寫真集、唱片、手鈪同一隻狗仔公仔等等，我全部都放晒喺屋企。我每日都掛住佢，就算佢走咗，我都有保持同唐唐見面，佢家生活得好好，我哋上星期先喺球場見面，有時都會約埋一齊打羽毛球，佢嘅球技比我叻。」

連炎輝陪伴唐唐 

「今日同Kenneth去咗唐唐屋企食晏，冇煮哥哥特別鍾意食嘅餸菜，只係家常便飯傾吓閒偈，喺屋企門外都有fans送花嚟。唐唐o衣家嘅生活好正常，佢鍾意打吓波打吓羽毛球咁，有時我哋幾班朋友同佢去吓旅行。」