2000
同甘共苦15載不離不棄 張國榮公開與唐生同居關係
哥哥張國榮和知己唐生經歷十五年風風雨雨，哥哥前晚演出尾場個唱時，唐生一直在台下揮動螢光棒支持。完騷後，哥哥更和唐生同車返回住所，無懼公開兩人同居關係。
張國榮前晚在紅館演出尾場個唱，哥哥的知己男友唐生終於現身，完騷後兩人還同車返回加多利山住所，無懼公開二人同居關係。哥哥與唐生相識三十五年，自八五年起感情愈趨深厚，至今同甘共苦十五年，前晚是首次大方公開同居關係。
唐唐（唐生暱稱）前晚坐在場館第五行，化身哥哥頭號Fans在台下支持他。只見唐唐全個騷都紅、綠色螢光棒，不停揮舞，哥哥叫觀眾起身，唐唐二話不說便率先站起來。哥哥問台下觀眾是否很high，唐唐即說：「係！」哥哥再問個唱是否抵睇，唐唐在台下又再回應：「係！」
臨瞓唱情歌
當哥哥唱《I Honestly Love You》一曲時，哥哥更望著唐唐唱，憑歌寄意。哥哥前晚更唱出今次個唱沒唱過的《為你鍾情》，不知是否想把此曲獻給唐唐聽呢？
哥哥在台上說：「好難講中文『我愛你』，我只會講I Love You All，好似上次有人話我唱歌俾一個人聽，我咁專業，點會咁做。如果我唱，幾時都得，每晚臨瞓前又得，第二朝起身又得！」哥哥竟「警告」Fans不要叫他靚女，哥哥說：「唔好話我靚女呀，反面㗎，我從來冇話過鍾意做女人！」
 |
而哥哥於Encore部分時，又剖白他的感情世界，哥哥說：「有人要鍾意特別人至開心，點解唔可以成全佢？只要佢開心，外間冇權過問，我只會做番張國榮！」當哥哥唱出《共同渡過》一曲時，更感懷至哭了出來。 |
進帳近一千萬
完騷後，哥哥在紅館後台舉行慶功宴，至凌晨一時許，哥哥離開場館，並和Fans揮手致意，此時唐唐即在門口走出來，上了哥哥的黑色平治房車，接哥哥亦箭步上車，兩人同車返回哥哥加多利山住所。
當哥哥和唐唐坐車返回屋企時，沿途有一對情侶Fans坐電單車追車，哥哥亦友善地和這對情侶揮手。哥哥落車時，即以凌厲眼神瞄記者，唐生即閃身入屋，哥哥則立刻閂門。據悉哥哥個唱一場酬勞為八十萬，做十三場有近一千萬酬勞。
蘋果日報
LeslieCheungCyberworld © 2024 , All Rights Reserved