2013
明星（張國榮純管弦音樂會）
2013-02--06
文：譚兆民（只譚風月）
樂團三月尾會舉辦兩場張國榮純管弦音樂會，向這位巨星致敬。快快快，這星期與部門同事快馬加鞭，趕及歲晚收爐前推出宣傳品，好讓樂迷能及早撲飛。
 |
趕得迷頭迷腦之際，靈光一閃，年晚流流，中國人講意頭，如果客戶年廿八、廿九一拆信就見到哥哥個靚仔樣，會唔會暗叫一句「大吉利是」呢？但想深一層，愛一個人，無論是親人愛人友人甚至偶像，都是日日月月年年，又哪有分冬春節氣呢？
既然百無禁忌，講開也不怕在這話題上繞一轉。靈異之事與物，我從來沒遇過，也相信心念正，百毒不侵。有懂玄學的朋友知我喜歡懷舊，對五十年代舊傢俬海報、或古玉古玩都有興趣收集，便曾跟我說，古董有靈，家中不宜多放，但聽過後也不太放在心。宇宙萬物都是同一起源，生生滅滅，永恒重組，「靈」應該無處不在，怎會只附在你乾隆金夜壺，或嗰張vintage嘅vanderRohe椅子上呢？或我現在用來寫稿的三星都應該有一隻。
我家中放好幾件古玩，是爸爸生前珍藏，家母和兄弟妹子都不太懂欣賞， |
隨便擺放。十年前搬屋時我像水貨客螞蟻搬家般，將一小批拿回新居裝飾，當中有木雕、古玉、陶瓷瓶碟，放在書櫃書桌上，優雅俊逸，是父親的投射。
小時曾不小心摔爛父親睡房的一件古玉，滿以為要被狠罵一頓，但他見得到碎玉中央全是泥，知是贗品，說又被人騙了，輕輕把我責怪兩句便算。他曾說，玩古董和做生意一樣，初頭俾人呃當交學費，最緊要學精。
每件物品都隱藏一個故事，一件古玉蘊含對爸爸的思念，一張《阿飛正傳》的劇照勾起無數Leslie迷的集體回憶；天上繁星，在你心中照耀過，立春冬至、芒種寒露，年復一年。
頭條日報
LeslieCheungCyberworld © 2024 , All Rights Reserved