2000
張國榮回應抨擊話我冇壓力
張國榮在演唱會上柔媚自我的形象和服裝打扮，惹起外間兩極回響，一派大讚好正，一派卻猛烈抨擊，對於外間種種評論，哥哥前晚在第七場演唱會上，首次作出公開回應。哥哥對台下觀眾說：「你覺得我扮相點呀？千祈唔好話我靚女，成世人最憎人話我靚女，反面㗎……最近有朋友打電話俾我，話唔肯定我依家個形象係咪好睇，我反問佢係咪想睇我著禮服打煲呔？咁就唔使嚟睇我演唱會，我叫我朋友留意自己，檢討吓自己係咪老化，好似我同阿梅咁頂尖級嘅藝人，每次做Show花盡腦汁希望取悅觀眾，令到自己開心，觀眾又睇得開心，每場Show都好似開Party咁，完全冇壓力。」
而前晚梅艷芳和林青霞都有捧場，哥哥還和Band友打賭，估他清唱那首歌，賭注十蚊最大，一賠十，所有人都估是《白髮魔女傳》的主題曲，點知哥哥卻唱《胭脂扣》，結果哥哥贏晒Band友啲錢，鬼咁開心。
東方日報
LeslieCheungCyberworld © 2024 , All Rights Reserved