2000
唱服裝刻意平實唔玩激 張國榮：唔好咁三級Sell我個Show
張國榮將於本月三十一日舉行演唱會，記得九七年哥哥（張之暱稱）於演唱會中，穿上高跟鞋與舒淇大跳貼身舞，十分之激，但哥哥昨日排舞時卻說：「唔好用個『激』字形容我嘅演唱會，唔好咁三級去Sell我個Show，今次大家睇完會『嘩』，係讚歎嘅『嘩』！」
 |
張國榮個唱即將舉行，哥哥目前正為演唱會積極排舞。哥哥前日於「星藝館」綵排，只見哥哥身形十分Fit，他卻笑說：「我冇刻意減肥同節食，只要做大量運動就得。」問他在個唱中會否有貼身舞？他說：「貼身舞預咗啦！會唔會激？冇話最激係點，總之成個Show都咁激。你地唔好用個『激』字嚟形容我個演唱會，亦唔好咁三級嚟Sell我個Show，呢個係一個高水準嘅製作。」
在九七年演唱會時，哥哥穿上一對高跟鞋與舒淇大跳貼身舞，但哥哥笑言今次將會欠奉：「今次嘅衫係平實而帶有品味，你哋睇完都會嘩一聲，但唔係嘩眾取寵嘅『嘩』，係讚歎嘅『嘩』！」雖然哥哥表示個唱的服裝會以平實為主，但負責製作的陳淑芬則說：「點會係平實呀！啲衫都著唔到出街。」 |
個唱搞Rave Party
哥哥透露除歌曲和舞台設計特別外，連舞蹈員的形象亦經過精心設計，他說：「所有舞蹈員嘅頭髮都會染到奶茶色，佢地重會曬到黑黑實實，配合舞台燈光就會好靚。」
另外，哥哥更透露個唱不會請嘉賓，他說：「啲歌多到唱唔晒呀！其中一Part嘅快歌會有Rave Party嘅感覺，觀眾可以企起身跳舞。」
太陽報
LeslieCheungCyberworld © 2024 , All Rights Reserved