2014
張國榮經濟學
2014-04-01
文：徐燦傑(Prof. J) (魔鬼教室專欄)
今日係4月1日，係「哥哥」張國榮嘅忌日11周年，全城都會永遠懷念哥哥！今日好想同大家講吓「哥哥經濟學」，同時向哥哥致敬！
聽起上嚟，大家可能覺得有啲奇怪，所有識得哥哥嘅人都知道，張國榮係一個歌手，一個電影演員，有好多得獎嘅歌曲同電影，但講到底，哥哥絕唔會係一個投資專家，無咩投資心得，或者投資嘅名言，咁點樣將「哥哥」同「經濟學」扯上關係呢？
但係，從另一個角度睇，自從哥哥1977年出道推出首張英語唱片到今日2014年，由哥哥所屬嘅唱片公司、電影公司發行嘅唱片CD，電影DVD，純影集，演唱會，以至後期嘅紀念大碟，紀念演唱會，舞台劇，大家都唔能夠否定，只要以眼神接觸到哥哥嘅側面，哥哥嘅影響力，就已經創造出新嘅經濟價值，呢啲亦係今天想同大家睇住哥哥，對住哥哥，透視哥哥嘅 「張國榮經濟學」。
其實咩嘢係「張國榮經濟學」？網上曾經有人發表過，佢話：「張國榮經濟學」就係指一個人死咗之後，佢嘅使用價值並唔會隨住佢嘅肉體而好快消失，相反仲能夠喺佢死後，通過附屬產品產生衍生嘅經濟效益。呢個係哥哥真真正正永垂不巧嘅價值！
徐燦傑(Prof. J)為 銀河國際財富管理CEO，於now財經台、新城數碼音樂台及DBC數碼財經台擔任主持，著作逾23本，理論實戰兼備的魔鬼教練。
都市日報
LeslieCheungCyberworld © 2024 , All Rights Reserved