2013

1:16 張國榮繼續熱捧


 

2013-08-27

 

科技新知副刊

 

「我覺得藝人做到最高境界係可以男女兩個性別同在一個人身上,藝術本身係沒有性別的。」哥哥張國榮如是說。於2000年《熱‧情演唱會》,在台上演繹《大熱》一曲,將男性嫵媚發揮得淋漓盡致。貴為「哥哥」忠實粉絲的Hot Toys主腦Howard,當然沒有忘記這一幕,決定將其化為1:6 Figure,讓大家繼續寵愛張國榮。

 

 

呈現百變形象


眾所周知,Hot Toys「選角」很大程度反映其主腦Howard的喜好,迷上哥哥30多年的他,今年初終於從哥哥前經理人陳淑芬女士手中取得肖像權,隨即以短短3個月時間,火速製作出首個致敬作品──1:6「踢死兔」張國榮。雖然坊間口碑、銷量雙贏,但神似度仍有改善空間意。為了精益求精,廠方遂以更多時間開發第二炮,即今次的《大熱》版本,正好呈現哥哥的百變一面。

 

 

植髮更易梳理

 

當年的演唱會,哥哥束了一頭及腰長髮,時而隨舞飄揚,時而綰成髮髻,經典成咁,廠方當然跟到足,特別以植髮取代傳統膠髮處理,髮絲順直到猶如做了「負離子」一樣,因此梳理時容易得多。頭雕方面,鑑於亞洲人輪廓偏淺的關係,哥哥的製作難度確實比外國影星高出不少,幸好大師Yulli有了上次經驗,新作的五官、輪廓落刀更見神似,憂鬱眼神配合JC. Hong塗裝,亦見細膩。

   

 

       

跟番當年著銅色皮鞋,打過光油更見亮麗。

 

 

地台設有射燈,激似紅館;前方更加上名牌。

 

 

裇衫、皮帶扣位置都有相片做參考,絕對唔係靠估!

 

藍燈紅館舞臺

 

除了長髮,出自法國名師Jean Paul Gaultier的歌衫,時至今日依然是劃時代設計。轉化為1:6比例後,歌衫改由韓籍裁縫Hai Lim主理,此君看過歌衫照片後,極力使服裝的用色、剪裁跟足當年模樣,並改以幻彩布仿製那件銅色外套,還在四邊加入鐵線,輕輕一扭即能擺出「隨風飄動」效果!配件貴精不貴多,8隻造型手及Mic Stand當然唔少得,最正係地台模仿番舞臺設計,中間有藍色LED燈射住,唔講仲以為去咗紅館呢!

 


東方日報

LeslieCheungCyberworld © 2019 , All Rights Reserved