2014
魔鬼教室 凱恩斯與哥哥
2014-04-03
文：徐燦傑(Prof. J)
經濟學家凱恩斯講過，市場持續疲軟，最好嘅策略就係採取觀望態度；而一旦市場活力觸發，就應當果斷結合突破同趨勢，走向入場操作。而哥哥就好好把握了呢一個觸發點爆發出來嘅潛力，為自己創造出新嘅價值，繼續跳舞！1990年，張國榮告別香港歌壇，亦成為「哥哥經濟學」嘅第二個階段嘅開端，由一位偶像歌手轉型成為一位專業演員。
大家如果有印象，一定會記得哥哥喺唔同電影擔當嘅角色。例如喺《阿飛正傳》，就有無情而且自戀嘅「旭仔」；喺《霸王別姬》入面，就係畀狠心嘅阿爸阿媽遺棄嘅程蝶衣。其間，如果大家有留意報道，就知道哥哥曾經形容自己係「並非無情但確有些自戀」，亦都曾經透露過唔愉快嘅童年、對同阿爸嘅怨懟、阿媽嘅失望。由於人物性格，以至個人嘅經歷，哥哥都極其接近，所以有資深電影從業員指「張國榮嘅電影世界最與人哋唔同嘅地方，就係佢喺演戲嘅同時，亦都演緊自己。」
從心理學角度嚟睇，哥哥演戲嘅時候，係電影角色亦係自我本色，其實哥哥已經做到「自我實現」嘅境界，換言之，亦即係佢將個人演藝嘅潛力充分發揮並毫無保留咁表現出嚟。
都市日報
LeslieCheungCyberworld © 2024 , All Rights Reserved