2000
Fans 通宵霸位買飛 張國榮$100個唱門票沽清
一連十場的《張國榮熱．情演唱會》，門票於昨日正式公開發售。哥哥的歌迷除了於前晚在紅館城市電腦票房，以紙皮霸定頭位外，一百元的門票在昨日不消兩個半鐘頭，已宣布沽清！
為了以最佳狀態應付是次演出，哥哥每天最少做三百下sit-up，身形非常之fit！
繼《張國榮熱．情演唱會》內部認購的門票宣布沽清後，昨日正式在城市電腦票房公開發售，不消兩個半鐘頭，一百元的門票已告沽清！
本報記者前晚在紅館城市電腦票房外，雖未有發現哥哥歌迷的蹤影，但地上卻有幾張寫了「Leslie1、2、3」的紙皮，以石頭和礦泉水來霸頭位！而昨日早上十時公開發售後，約於中午十二時半，其中一百元的門票便已沽清，至下午五時多仍見人龍，可見反應熱烈！
演唱會主辦人陳淑芬說：「今次我地係分一百、二百同四百三種票價。平時一百蚊同四百蚊飛，都係最好賣同最快賣晒，但今日我check過，一百蚊飛賣晒之外，依家二百蚊同四百蚊飛都同樣咁好賣！如果配合埋電話訂票，同電腦票房出飛嘅速度，相信五、六日左右應該會賣晒飛。」
前晚已有歌迷在售票處用紙皮霸頭位買飛，而昨日亦出現長人龍排隊買飛。
親到巴黎試歌衫
此外，陳淑芬更表示，哥哥早前已飛往巴黎，看過Jean Paul Gaultier為他親自設計的歌衫。「佢試過其中一些衫同睇過一些布料，返來之後佢大讚話好靚！哥哥佢依家好fit呀！每日除了做一般的運動之外，仲規定自己至少做三百下sit-up添！」
據知，哥哥為是次演唱會作了一首歌，由林夕填詞。「呢首歌總之會在演唱會之前plug上台啦，至於內容等哥哥自己遲些講啦！」
太陽報
LeslieCheungCyberworld © 2024 , All Rights Reserved