2000
傳大西洋城個唱跌落台 張國榮澄清：冇嚴重受傷
早前有報道指哥哥張國榮在大西洋城演唱會中，不小心跌落台受傷。本報特約記者張敏儀就此事在日本大阪成功聯絡到哥哥，查詢有關事宜。
哥哥得悉該報道失實時，他立即直斥：「我當時係唱緊《風繼續吹》，但一跌落台就已經俾好多工作人員扶番起，只不過係甩了兩句歌詞！前後都只不過係一分鐘，絕對唔係報道講的三分鐘咁多。如果唔係我當時講出來，根本就唔會有觀眾知道。」
提及哥哥手臂上的傷勢，他說只是擦傷了少許，敷藥後已經無大礙，他說：「有人睇那篇報道後，以為我傷得好重，連日本大會都好擔心，所以我要澄清，畀大家知我冇事，冇嚴重受傷，多謝關心！」
日本歌迷反應熱烈
另外，哥哥剛在大阪及橫濱完成數場演出，歌迷反應非常熱烈，除日本Fans外，也有香港及台灣的Fans拉隊捧場。哥哥為答謝歌迷，每場個唱均以流利的國語、英語及廣東話說台詞。日本有關方面亦很重視哥哥，除安排他入住總統套房外，還經常邀請他品嘗各種日本美食。
太陽報
LeslieCheungCyberworld © 2024 , All Rights Reserved