2000
張國榮狂歌勁舞爆呔
張國榮為商台演出的《拉闊音樂會》前晚在會展圓滿結束，哥哥（張之暱稱）在演唱中段時，其所穿的古董牛仔褲褲襠忽然爆裂，露底任人睇，但一直未知情的哥哥仍非常風騷，幾番發姣並戲弄工作人員，有性騷擾他人之嫌。
 |
張國榮前晚施展其姣、靚、正本色，令每位到場看《拉闊音樂會》的觀眾興奮若狂。而且整晚異常風騷，連上台為他整理耳機的工作人員都戲弄，動作及言語間還涉嫌有性騷擾成分。
話說四名工作人員分別上台為他整理背後耳機，哥哥竟做出前後擺動姿勢，令人側目，他又拗腰反手搞人頭髮，然後露出滿意表情，之後又以手輕拍工作人員，更說：「點呀？好囉喎，唔好在我後面搞咁耐，得未呀？」而哥哥好友唐唐見哥哥表演投入，自己也急不及待起身，開心拍掌！
雖然哥哥的演出實在好得無話可說，但他所穿的古董牛仔褲竟突然在演出中段因動作過大，致其褲襠十字位爆裂，不知情的哥哥還擘開腳而坐，事後他說：「條褲係限量發行，外國好多Rock Star都著過，係七十年代嘅古董，出場時我已覺得腰位好似有窿，係咪下面都有？褲襠呀？冇所謂啦，又唔係冇打底，咪睇囉，我見啲人手指指，仲以為話個耳機有事！」 |
 |
與觀眾靈慾一致
另外，哥哥還說：「香港有個女歌手，我同佢講話你在那裡悶死你，返來啦，況且姓李那個又咁悶，你估淨係做人就得咩？佢話諗吓喎，卒之都走了。佢係林憶蓮。」
哥哥唱得忘我之際，更拿出私伙枕頭撕爛，又把咪插在褲頭內做出自摸動作，誘人至極，他說：「可以同觀眾朋友靈慾一致，好開心」。 |
太陽報
LeslieCheungCyberworld © 2024 , All Rights Reserved