2000
哥哥迫爆褲襠意態撩人 哥哥向唐生癡癡唱《為你鍾情》
2000-03-04
張國榮雖然年屆四十三歲，但仍騷勁十足。前晚他演出商台音樂會時，情緒非常高漲，台風之激更令牛仔褲爆呔。此外，哥哥更向好友唐生高唱《為你鍾情》，露出一副情意綿綿的模樣。
|
張國榮為商台演出的《拉闊音樂會》已於前晚假會展新翼舉行。舞台上的哥哥（張國榮）魅力非凡，勁度騷味十足，連古董牛仔褲襠爆開亦不顧，依然大唱大跳。其後更扯爛枕頭，羽毛滿場飛。
其間，哥哥演唱《為你鍾情》一曲時，向好朋友唐先生座位處，憑歌寄意，歌詞如下：「對你講一聲終於肯接受，以後同用我的姓……」，可見哥哥十分癡情，而台下的唐生一面觀看哥哥演出，更一面拍手附和，全場觀眾亦情緒高漲。 |
 |
另外，哥哥調皮的個性亦在工作人員為他整理耳機時表露無遺。哥哥先搞其中一人的頭，再打第二名工作人員的手，並語帶雙關說：「點呀你，後邊搞咁耐，搞完未？得未呀？」
台上「串」李宗盛
此外，哥哥更在台上「串」李宗盛，指他是一個「悶」人。他說：「早前我同林憶蓮錄廣播劇，我叫佢（林憶蓮）多返香港，姓李（指李宗盛）份人咁悶，唔係淨係掛住做『人』就得。」
|
對於「豁達」一詞，哥哥亦有他的見解。他說：「點呀，抵唔抵睇呀？我冇錢收，有時做人，唔好計較咁多，要『豁達』啲！」
演唱會完畢後，哥哥出席慶功宴時，被問及爆呔一事，哥哥則解釋：「我條係古董牛仔褲，七十年代有個搖滾巨星過，我淨係知皮帶位附近有窿，褲襠都有窿？我又唔係冇打底，無所謂啦，你睇！」 |
 |
蘋果日報
LeslieCheungCyberworld © 2024 , All Rights Reserved