2001
廿年老友送特別禮物 林燕妮生日 張國榮「棟篤笑」娛賓
浪漫作家林燕妮前日五十三歲生日，她的一班好友，以從小就認識的蕭永豐為首，特地假其「Flower Mania」的灣仔全海景Penthouse寫字樓，為壽星女舉行一個溫馨又布滿花香的生日派對，到賀嘉賓更包括與壽星女相識逾二十載的張國榮，他更大講笑話娛賓。
前晚出席林燕妮Eunice生日派對的嘉賓，數目不足二十人，全都由壽星女親自發帖邀請，請來的都是相識多年的知己好友。Eunice的好友蕭永豐更是賣力非常，既借出其「Flower Mania」的全海景Penthouse寫字樓，又特別請來一名廚師烹調美味的十道西餐，Eunice這個生日派對，可謂在色香味之下度過。
禮物合心意
|
壽星女Eunice前晚更玩得十分盡興，她昨日接受記者電話訪問時說：「我成班close friends玩到凌晨三點先至離開，我今次生日，令我最感動係我細佬同Alfred（蕭永豐），佢一手包辦籌備呢個party，而我收到生日禮物，亦相當啱心水，因為我老友都知我鍾意靚，所以收到禮物都離唔開首飾呀、衣服、手袋之類，樣樣都好實用有價值！」
而眾賓客中，與Eunice相識逾二十年的哥哥張國榮亦單拖到會，穿上Gucci皮褸的哥哥非常有型靚仔，記者問哥哥，這晚有甚麼驚喜送給Eunice，他笑說：「我人到咪係一個最大驚喜！其實我識咗Eunice好耐，佢份人真係好好！」
記者向Eunice提起哥哥張國榮亦有來為她賀壽，她說：「係呀！佢真係有心，我哋識咗成二十年，我睇住佢由失意到今日頂級位置，真係好戥佢開心，佢喺個party有冇特登獻唱畀我聽？咁又冇！不過佢反而講好多笑話畀大家聽，內容都係圍繞佢拍戲同唱歌嘅經歷，唔講唔知呀，哥哥講笑話技巧真係好好，搞到我個party都全情歡笑聲中度過。」 |
 |
蘋果日報
LeslieCheungCyberworld © 2024 , All Rights Reserved