1997
Leslie迷人之處
1997-01-09
文：巫公子 (豪情一派專欄)
耀榮叔送來張國榮演唱會飛兩張，本公子都好耐無去睇過演唱會囉。
最後睇嗰次又係張國榮的告別演唱會Final Encounter，那次犀利囉，一次過同Florence拿了三百張飛，大部份俾了夜總會的媽咪同埋那裡的小姐，佢地開心到不得了。所以以前本公子帶客人去夜總會應酬，佢地的招呼係點都可以想象啦啩，英雄地始終係英雄地，無得傾嘅。
講番Leslie，本公子識佢十幾年，仲同佢試過在一間小型酒廊唱過歌，當時的酒廊唔同現在的Karaoke；只得個打琴佬在彈Organ，那時Leslie剛剛唱隻《風繼續吹》重係有些雞仔聲，估唔到到告別演唱會時，真係唱出魅力，那充滿磁性嘅聲音，真係迷死人，黎小田對公子曰：「巫公子，你知唔知Leslie唱歌有一樣野係其他歌手無的，就係佢唱唱下會將啲字『Lur』過去，呢啲就係佢嘅特色！亦係佢吸引的地方。」本公子聽落都有同感，今次去聽佢嘅復出演唱會，見佢唱番以前的名曲真係好似唔使用氣咁容易，但個樣又無乜變過，成四十歲人都唔見Aged，重係咁靚仔，真係保養得好，由頭到尾都咁有氣氛，咁有高潮，從唱歌到他的服裝——羽毛大樓、緊身褲，就算赤裸上身真空上陣都咁High，重有諺東靚女舒淇做其舞伴，令大家都聽出耳油之外，更大飽眼福，朋友話呢個Show都幾三級噃，本公子問番但：「係妳年紀大吖定係妳心邪？」
香港周刊
LeslieCheungCyberworld © 2024 , All Rights Reserved