1998

從影以來未拍過王晶電影 張國榮：我寧願繼續遺憾

王晶日前大潑冷水，公開批評港、日合作的電影《星月童話》不會太叫座，身為《星》片男主角的張國榮昨日首次就此作出回應。對於從影以來，未拍過王晶電影，Leslie（張之洋名）表示覺得遺憾，但他卻無意彌補這個遺憾。

被潑冷水不灰心

 張國榮、惠天賜、廖啟智等，昨日於北角政府物料供應署，拍攝《星月童話》煞科戲，對於王晶的批評，Leslie輕描淡寫地笑說：「把口生在人度，唔使灰心的，總之自己做自己的事，唔好得罪人啦！」

「《星月童話》在日本都不知幾受歡迎，套戲未拍完，錄影帶已經超額認購，未上畫已經賺到錢，所以電影公司重想叫我拍續集，不過，通常續集都無第一集咁好，我寧願拍過第二個題材的電影好過，而家我仲有幾部日本片傾緊。」

向與王晶好交情

對於王晶的言論，Leslie坦言不明他的是甚麼理論。「有時啲野好難講，世事難料，我同王晶不嬲交情都幾好，佢都讚過我係好演員，而佢話日本同香港合作的戲唔好收，咁佢都揾千葉真一拍《風雲》扮演雄霸啦，佢套戲上，我都想佢賺到錢啦！」

「話晒佢（王晶）都係全港有頭有面的導演，我從來未拍過他的戲，都覺得好遺憾。」

「不如拉攏你地拍番套好唔好？」

「唔好搞到咁，大家繼續保持番朋友關係好些，我寧願繼續遺憾。」

褟嘉珍的回應

對於王晶的預測，褟嘉珍平淡的說：「睇到呢段報道，一班工作人員都好唔開心，至於我就無乜所謂，因為要睇講野嘅人有無分量，唔通阿貓阿狗亂嗡都嬲餐飽咩，所謂道不同不相為謀。我嘅感覺係有人抱著『吃不著的葡萄是酸的』心態講嘢，其實《星》片賣唔賣座亦唔關外人事。」

已封蝕本門 

褟嘉珍表示，《星》片雖然是二千萬的投資，但由於是常盤貴子第一次拍跨國電影，加上張國榮在日本的知名度亦高，因此得到很多贊助，亦已高價賣出日本的錄影帶、VCD、電視等版權，戲未上映已封了蝕本門，日本老闆高興之餘，亦要求他們再開第二部戲。  

褟嘉珍說：「新片仍未上映，票房好壞現時係言之過早，固然中日合作嘅戲以前難有好結果，但時移勢易，不能斷言呢類戲嘅票房一定差。目前電影市道疲弱，大家同行理應互相扶持，多做事少說話。對於挑起事端，踐踏同行者，我並不尊重這種人。」

蘋果日報