1985
張國榮與觀眾競跑 「噓」聲下逃入地窖
文：阿吉(林冰)
朋友問：「有無去睇張國榮演唱會呀？好正呀 」
「有！阿吉睇嘅係第一場，那晚不算太好。」
去睇第九、第十場的朋友都對張國榮讚不絕口。有人睇完第一場再睇第十場，話相差十萬八千里。可見，張國榮有潛質，越唱越見狀態。
第一晚，張國榮好驚同觀眾接觸，雖然不時有走近去同人握手，但係好多時抽手抽唔及，甚至有一次話：「好痛！」白小姐曾問：「點解阿倫又無話痛嘅？」
阿吉只好話：「各人身體忍痛的能力不一樣囉。」果晚重有兩個後生仔追上台去，想接近張國榮，豈知阿榮仔好驚，人家在後面跟，他在前面拼命的跑(怕被接近)，歌迷上台是常見的，阿倫就從來未驚過，阿榮仔與那兩人你追我趕，氣氛有些緊張，護衛人員見演唱的都驚囉，唯有急急上台阻止(又拉又扯)。本來是歌迷熱情擁護，這下變了像鬧事，有趣是兩個後生仔剛剛要接近阿榮，阿榮就唱完，「噓」一聲，逃入了地牢。阿吉當時曾說：驚接觸陌生歌迷，是正常情形，日本就有人上台插兩刀，只是由此可見阿倫的難能可貴啦。
張國榮在後來的幾場表演，聽說就沒有再驚怕，聽說不少圈內自己友公然在電台批評榮仔，話沙塵咗，擺款，榮仔大概也聽到，往後，從善如流，遠遠見人就打招呼，不再作孤芳自賞狀。
明報
LeslieCheungCyberworld © 2024 , All Rights Reserved