Leslie Cheung Cyberworld

張國榮談天王夠真

多謝一讀者來函。但對阿芍在這小框框內談「流行樂壇近日之爭」內文有異議，因為所提及女DJ及退休巨星談四大天王事之評論有欠公平，看來也有道理。

退休巨星，其實所指者係張國榮，再細看佢對四大天王之分析亦大有道理。張國榮在香港娛樂圈打滾多年，真正走紅還是後來四、五年事情。在麗的年代，佢只係一位普通歌星及劇集藝員。後來轉投華星及無線，歌藝大進，亦為廣大觀敬接受，成為偶像、巨星，才真正大紅大紫起來。

張國榮對四大天王之評論，講公道話，佢講得好直率、好真，只係將佢之個人感覺說出來，張國榮性格之可愛處就係經常表現真我。在娛樂圈十幾年，並無練成滑頭、撈味，此點極之難得。作為歌手，張國榮經驗值得學習，甚至阿倫、阿梅之優點亦係後輩不可忘記。

由於率直，講話會得罪到一啲人。所謂時世造英雄，四大天王之所以匆匆出世，亦係樂壇需要，阿勺亦認為天王出，使香港樂壇熱鬧，否則巨星淡出，無晒偶像樂壇立刻失色。

對於四大天王俾人彈吓亦無所謂，彈亦係鼓勵，難道天王唔彈得咩。上天賜俾佢哋一個好機會，紅得突然，好多方面仍末成熟，彈吓起碼要佢哋警惕吓自己莫咁驕，四大天王亦有此感受，歌藝都在進步。