1998
來年舉辦個唱大計未定 張國榮有待與耀榮溝通
張耀榮早前曾向外表示，張國榮可能於明年舉行個唱，對此，哥哥直言已很久沒有見過張耀榮，但舉行與否並無所謂，最重要是有新橋段、有新事物予歌迷看，並非要賺急錢。至於他又是否想開演唱會呢？哥哥謙虛地說：「睇吓仲有無人支持同經濟係咪好啦，如果係做都只係睇自己，唔會同人比，不過紅館檔期要一年前申請，我就唔清楚，張生亦無同我講過。」
昨日，哥哥參與《煇黃演唱會》綵排，他是首場的神秘嘉賓，其餘出席綵排的歌手還有張德蘭、汪明荃、仙杜拉及秋官等。哥哥說：「呢個騷佢哋一問我就答應啦，因為可以見番唔少老朋友，平日大家都甚少見面，所以今次會好好玩。」
提到輝哥與霑叔，他直言兩位也是對他有恩的人，因為寫了不少好歌給他唱，在他心目中，跟二人除了有交情之外，也是有料之人，所以這個俾面派對無論如何也要出席。
有人說到近日圈中流行一種換膚方法？哥哥聽後就話：「唔會，唔好搞啦，男人四十啲皮膚仲好『衡』，仲未鬆弛，地心吸力未到。」但是人會老，他又可有想過拉面皮？他直言不會，而且早接受這個自然定律，就連注射羊胎素也不會，但據知霑叔就有這個習慣，哥哥還打趣說：「呢個就係打同唔打嘅分別，你地揀邊個吖？」
他承認，曾經與一班朋友傾談時說過羊胎素的問題，但本身就沒有興趣嘗試，反而追求健康一些的保養方法。
香港報章
LeslieCheungCyberworld © 2024 , All Rights Reserved